2023台北親子旅行 | 住宿 & Day 1行程分享 - 華山1914 + 敦化

已經4年冇飛過了，呢4年COVID冇得去旅行真係好煎熬，不過好就好在，我都算有好好善用呢4年時間生咗兩個小寶貝hahahaa 留喺香港嘅日子，都過得好充實! 其實寫旅行blog一直都係琛珈媽咪嘅興趣，疫情前都有用pixnet分享行程，有興趣嘅話歡迎睇返啊: https://waiki0909.pixnet.net/blog 言歸正傳! 今次去台北係琛琛第一次去旅行，特登買咗個handcarry喼俾佢自己拖，出發當日坐早機，凌晨5點就要起身，但琛琛真係超興奮，一叫就即刻彈起身自動自覺刷牙洗面準備出門口。 順帶一提，今次去旅行，其實係1家4口一齊出發...但係媽媽帶琛琛去台北，爸爸就帶妹妹去日本(公幹) 哈哈哈 而台北之旅除咗我地兩母子，仲有悠悠姐姐同悠媽咪一齊出發! 今次旅程嘅機票同住宿，其實媽媽一早喺台灣未開關自由行時已經急不及待換定miles+book定酒店，所以當時航班時間係好多選擇，而酒店亦都係超級抵! 住宿：Wowhappy玩行旅 台北分館 (官方照片 - 媽媽發現自己只係拍咗片冇影到相...) 位於忠孝新生站附近10分鐘內路程，華山1914對面，位置非常方便，附近亦有Simple Kaffa呢間超人氣咖啡廳! 而且房間喺台北嚟講係超大間好寬敞，大大隻窗有日光，仲有大大個浴缸仔仔可以晚晚玩bath ball! 當時訂房價錢係約HK$640/晚，真心好抵住!! 不過依家呢間酒店冇咁容易book到了，有計劃去台北就要盡早book定先喇~~ 台北第一天行程 10AM到達台北機場 -> 換台幣 @ATM 我一直去台灣都係預先開通銀行海外提款功能，去到台灣機場就搵有銀聯標誌嘅ATM機直接㩒錢用，匯率抵D又好方便! -> 攞電話卡 今次係預早喺kkday買定，不過下次都係直接喺機場電訊櫃檯買方便D，出境大堂已經有齊大哥大/中華電訊，價錢相若亦唔使特登搵取卡櫃檯。 由機場到酒店，因為帶住小朋友出遊，我一早預約好klook機場接送車，2大2小2行李嘅價錢係約HK$290，可以俾大家做個參考，預約亦非常簡單方便，到時司機會whatsapp聯絡你約上車地點，網站如下: https://www.klook.com/zh-HK/airport-transfers/ 午餐 @光合箱子 (華山1914內) 星期六大概1PM嚟到，等位等20分鐘左右，餐廳裝潢幾靚，亦好大好高樓底 早午餐都好好食，悠悠好喜歡杯yogurt 📍華山1914文化創意產業園區東1B館 2-4PM 華山木育森林 TWD794 (1大1小) 呢間我地出發前已一早預約好，到就快出發，就發現我地去完過兩日佢就結業T_T 想講其實呢度好好玩，以森林做概念，有各色各樣野玩，空中飛人真係好好好玩，仲可以大人陪住小朋友玩，媽媽都feel到有D速度感。 係非常推薦大家去玩嘅，可惜台北呢邊已閉店，大家想玩就要去高雄/宜蘭/台中嚕 https://www.wooderfulland.com/Shop/Index 玩埋木育森林，喺華山1914兜個圈，就出發去媽媽好喜歡嘅敦化!! Shopping @忠孝敦化 今次嚟行，時間唔多，不過都發掘到一間有韓國童裝賣嘅AFAD，童裝部分嘅衫係會掛矮D，俾小朋友可以自己揀衫 哈哈，兩個小朋友又揀又試，不亦樂乎。 📍台灣台北市大安區敦化南路一段161巷11號 晚餐 @胡同燒肉 台北最愛燒肉店!!!!!!! 冇得食4年，我真係超超超掛住佢... 有專人幫你燒，全部餐點都係好高質，隔咗4年冇食，都真心驚會跌watt會失望，但係冇! 本人非常推薦 1/達拉斯(唔需要揀和牛version，普通果隻仲好食!) 2/松板豬 3/厚牛舌! 其實全部都好好食，有專人幫你燒一定唔會衰，仲要佢地好勤力換個網，唔會食到有多餘嘅燶味，超級推!!! 記得記得要預先上網站訂位，我自己多數都係去敦化1號店 https://inline.app/booking/-MAG-Crww5I2c9paKYAy:inline-live-1?language=zh-tw 📍台灣台北市大安區敦化南路一段161巷17號 未飛得日本，好在搵到明曜百貨 7樓有Akachan Honpo! 食完燒肉就馬上衝刺埋掃貨! 非常闊絡，款式都多，好好行呀~~ 我地仲喺度買埋之後幾晚玩嘅bath balls，小朋友都好開心!! 📍明曜百貨7樓 Day 1 完。 ig: @123LungsumkaMami (@123Lungsumka 暫時停用中) email: wwwwwaiki@gmail.com -—*-—*-—*-—*-—*-—*-—*-—*  #琛珈去旅行  #琛珈去台灣 #Wowhappy玩行旅 #華山1914  #光合箱子  #木育森林 #敦化 #胡同燒肉  #阿卡將本舖 #台北旅遊 #親子遊行 #travelblogger  #台北美食  #台北親子景點  #台北自由行 #hkmama  #hkblogger  #hkmamablogger  #親子 #親子活動 #玩樂 #香港媽媽  #二寶媽媽  #媽媽日常  #寶寶日記  #親子好去處 #台灣 #酒店 #親子活動 #親子 #行程 #玩樂 #台北旅遊 #台北美食 #飛行里數 #hkblogger #胡同燒肉 #台北自由行 #travelblogger #親子好去處 #香港媽媽 #台北親子景點 #木育森林 #華山1914 #媽媽日常 #二寶媽媽 #hkmama #hkmamablogger #寶寶日 #琛珈去旅行 #琛珈去台 #光合箱子 #阿卡將本舖 #親子遊行 (此文章由U Blog 同步發佈至社群)