2025/04/01

高質超值火鍋老字號

今次去呢間火鍋小店絕對稱得上係懷舊店，响新蒲崗開業已經超過15年，夠哂地道嘅老字號，佢哋嘅手切封門柳及罕有自家黑松露丸仲好出色添😋，但係價錢絕對親民，$688已經有個象拔蚌肥牛二人套餐喇🤑。象拔蚌肥牛二人套餐$688 呢個套餐真係好抵👍，有豐富足料嘅鍋底之外，仲有成10款火鍋配料，當中有海鮮、手切牛肉、丸類、餃類、蔬菜及麵食，最正仲有象拔蚌刺身添🤩。鍋底可以揀生拆蟹肉海鮮鍋、瑤柱海味冬瓜鍋或胡椒豬肚雞鍋，我哋就揀咗生拆蟹肉海鮮鍋。 🫕鍋底賣相超震撼，上枱時鍋底插咗4隻生蝦，真係好生猛新鮮，啲蝦腳仲郁緊，面頭有素翅及蟹柳，另外用腐皮包住嘅餡料有蘿蔔、花甲、雞腳等，鍋底豐富足料👍。 🥢生猛象拔蚌刺身份量充足，三人前都夠食，鮮度十足，爽脆鮮甜，高質超好味，連旁邊嘅蕃茄都好新鮮😃。 🥢手切封門柳唔一定要A5和牛先好食嘅，就好似呢個封門柳，口感軟腍中帶質感，牛味濃郁仲帶有牛嘅鮮甜味，份量仲好多添😝。 🥢鮑魚2隻冰鎮鮑魚軟腍中帶Q彈口感，鮑汁濃郁鹹香👍。 🥢元貝2隻或生蝦4隻見佢火鍋底已有生蝦，所以就揀咗元貝試下，超大隻，鮮甜爽口，正😋。 🥢廣島蠔2隻手掌咁大嘅廣島蠔，肥美飽滿，蠔肉嫩滑鮮甜👍。 🥢養顏花膠我哋一開始已經將花膠放入鍋底，到最尾先食，超軟腍滑溜溜口感，好滋補養顏🥰。 🥢手打墨魚丸或手打黑松露丸4粒揀咗墨魚丸，口感爽彈，味鮮甜。 🥢雜菜一份蔬菜都幾新鮮，食落唔會有渣。 🥢雲吞拼水餃各2粒或韭菜餃拼魚皮餃各2粒揀咗雲吞拼水餃，可以雙拼實在太好，皮薄餡料充足。 🥢手打烏冬或出前一丁有我哋最愛嘅手打烏冬，口感煙韌又幼滑，索埋湯汁一齊食超正😋。 🍺藍妹啤酒 $38 火鍋配啤酒是常識吧，當然要啤啤佢啦😂。冇諗過$688嘅套餐有咁高質嘅食材，象拔蚌刺身及其他海鮮都超新鮮，其他食材亦完全唔揸流灘，而且份量超充足👍。另外，好欣賞佢哋嘅擺盤，因為通常小店嘅擺盤賣相都係求求其其，但呢間店舖就剛好相反，由鍋底以至象拔蚌、封門柳等嘅擺盤都花過唔少心思😍。服務亦都好好，絕對係一間值得推介嘅火鍋小店👍。而家仲要抵上加抵，follow佢哋嘅IG仲可以減$100添🤑。 📍金筷子火鍋小廚衍慶街40號衍慶大廈地下10號舖 #象拔蚌刺身 #火鍋店 #新蒲崗美食 #懷舊老店 (此文章由U Blog 同步發佈至社群)...更多

高質超值 火鍋老字號

高質超值火鍋老字號