Soho區寵物友善泰國fushion菜+酒吧

Luffy要為大家介紹位於Soho區集泰國fushion菜+酒吧於一身嘅打卡餐廳 - H.O.P. House on Peel🌟 感謝H.O.P.邀請Luffy黎食dinner🥰 呢間咁有feel嘅泰菜串燒酒吧原來係寵物友善架🐶🐾 呢晚路家三口食左一晚好味又好feel嘅晚餐！🥘🥙🍽️ 餐廳位於Soho區，裝修好有格調，有教堂元素⛪️ 門口彩繪玻璃壁畫sofa位打卡一流，可惜我地去個晚已有食客，下次再去可以同餐廳留定台架😉 食物方面主打泰國菜🇹🇭 我地order 左兩個main，3款串燒，2款小食，2杯drink，唔好以為佢地做酒吧食物會遜色，實情係好有驚喜，每樣都好好味😋 🥩The crying tiger steak “seua rong hai” $278 大大塊薄牛扒烤得岩岩好，肉質鮮嫩又有牛味，配埋自家製泰式醬汁，好香又帶點辣，用來點牛扒超惹味！ 🍝Thai basil chicken spaghetti $158 (Full) $88(Half) 意粉炒得好乾身，加了辣椒碎及其他香料，吃起來帶辣，味道清新！我一向不太喜歡食西式意粉因為很膩，呢個泰式意粉岩哂我口味！ 🍢Wagyu Skewers $34 和牛串燒超juicy😍 軟軟嫩嫩超好食 🍢Chicken Skewers $32 雞肉串一向都好穩陣，雞肉好滑，配埋自家製串燒汁無得頂 🍢Pork Belly Skewers $32 燒腩肉一點都唔鞋，脂肪比例岩岩好 🍤Prawn Toast $58 兩片蝦多士炸到脆卜卜，鋪滿芝麻好香口又不太油膩，配埋泰國蝦片，超有風味 🍗Chicken Wings $58 單骨炸雞翼，食得好方便，炸得好香脆，雞肉好滑，外層有好突出嘅泰國香料味道 Overall整晚好滿意，食物絕對是水準之上，值得一贊係上菜速度極快👍 服務態度亦好好，主動比椅我地放袋，又會問食物味道如何，見店主們同其他客人都有講有笑一齊飲翻杯，夠哂chill🍹🍸🍻 店主們都好喜歡狗狗，佢地大小狗都歡迎，帶埋寶貝黎食野前記得同餐廳book定位就更好啦👍 仲煩惱緊黎緊聖誕節同狗狗去邊到食飯？🎄Luffy非常推薦H.O.P.比你地呀🥰 ⭐️ Luffy提提你⭐️ 好好愛惜寵物友善餐廳，狗狗黎到記得要保持安靜，唔好騷擾到其他食客，記得著尿片唔好整污糟地方呀🐶