🍝水波蛋卡邦尼意粉水波蛋做得唔錯，大大隻蛋，又有蛋香。而且有很多菇，有大大片的雞脾菇、又有磨菇。🥗海蝦藜麥牛油果沙律健康之選，用左黑醋汁，個汁除左酸之外，仲微微帶甜，可能係加左蜜糖或者黑糖嚟調製。海蝦中等size，入口幾爽。🍌檸檬蛋白派蛋白霜經微烤成半熟，做成cream狀嘅檸檬批頂層，批底用左曲奇皮嘅蛋撻底，鬆脆。成個甜品口感非常特別，頂層蛋白霜係微溫加軟身，而底層嘅檸檬凝乳卻係清涼而又非常硬身。餐廳環境非常舒服，有室內位及室外位，室外佈置仲略帶泰國風情，感覺好有度假feel。
