出發睇有燈塔/海鷗/泥灘的首爾

首爾最後一天，想去 #永宗島 同 #自由公園 ，但又想睇得特別啲，就乘坐4號線地鐵 🚇 去 #烏耳島 。 由明洞站到烏耳島站約一個半小時。出閘後再坐15-20分鐘巴士就到達烏耳島碼頭。不過，今次選擇由車站行路去，近距離感受吓韓國居民生活日常。 烏爾島最出名係紅色燈塔，生命之樹和海鮮市場。海灘路旁全部係櫻花樹，可惜時間遲咗少少，睇唔到櫻花😔。 > 大直路旁種植了櫻花樹，三、四月一定好靚。 沿海邊行，首先會見到生命之樹，生命之樹夜晚會亮燈，氣氛截然不同，黃昏🌇時應該都好靚。 > 生命之樹建造目的，聽說是重現烏耳島歷史。 沿防坡堤行就見紅色燈塔，燈塔旁有小食檔，售賣魚糕及八爪魚串等等。燈塔旁偶然會有遊客餵海鷗，海鷗即刻飛晒過嚟，超有feel。🥰燈塔附近的泥灘潮退有「泥灘體驗」，成人 7,000 won，亦有團體舉辦不少烏耳島的保育活動，當日落雨乜都做唔到。😞😞 > 海鷗好醒目，有嘢食即刻飛過來。 > 燈塔、海鷗充滿小漁港風情。 燈塔對面係海鮮市場，售賣捕獲海鮮、加工食品等，有幾平就唔知，不過種類好多，龍蝦🦞、貝類、長腳蟹都有齊晒。  > 售買乾貨，睇吓做唔做到手信 > 漁市場一角，當然唔係咁細啦。 > 漁市場人來人往，海鮮種類比想像更多。 > 碼頭兩邊整條街佈滿餐廳，平日唔見好多遊客，餐廳職員會主動拉客。 > 八爪魚上枱後老闆娘離開咗一陣，八爪魚即刻爬哂出嚟。 海鮮餐廳街位於碼頭旁邊。有些餐廳有提供「貝類吃到飽」，價錢唔貴。不過 #一個人去旅行 食得唔多，就揀咗普通餐廳叫了蝦同八爪魚。八爪魚🐙原隻上枱，煮熟之後切開章魚頭，煲湯就變成黑色，超甜。漁港食海鮮係另一種地道食法。 > 湯鍋開頭冇乜味，黑色湯頭買相唔靚，但好味。 第一次去韓國最想睇係櫻花、韓村、皇宮、到小島睇燈塔、同海鷗玩、食海鮮，烏耳島絕對滿足到呢個願望。🙌🙌 mission completed 👍 櫻花就爭少少咋。 > 燈遠景，燈塔好近民居。 #韓國 #烏耳島 #尋找你的旅行背包 #韓國 #首爾 #南韓 #一個人去旅行 #烏耳島 #首爾美食 #自由公園 #首爾景點推薦 #尋找你的旅行背包 #永宗島 #生命之樹 #烏耳站 (此文章由U Blog 同步發佈至社群)