日本風情之《南瀛水產》

日本風情之《南瀛水產》 餐廳位置非常方便，餐廳維修有日式居酒屋feel，而且有VIP房，職員介紹menu時有講食材每日由日本直送，所以非常新鮮， 蟹味噌甲羅燒： 未燒前已經睇到好多蟹膏、蟹肉、蟹籽，份量十足，面頭仲有隻鵪鶉蛋，職員會幫手燒將所有材料混合，燒完已經聞到好香，入口蟹膏鹹香鮮甜，口感軟綿。 東瀛五點盛： 油甘魚腩、三文魚、牡丹蝦、拖羅、帶子，擺盤十分美觀，刺身色澤亮麗，入口全部都好新鮮。 雲丹蚧肉卷：同樣擺盤美觀，蚧肉卷面頭既海膽都多算，而且師傅唔會包得太大舊、一啖一小口，蚧肉配上海膽一齊食，味道豐富。 炸池魚仔： 平時叫既池魚都係細細條，但今次有驚喜，全部都大條，而且可以整條連頭同骨食埋，炸得唔乾，咬落中間仲有少少濕。 香蒜牛舌： 牛舌算厚，蒜味幾出，咬落十分軟熟，唔同平時爽口既感覺，好香口。 松葉蟹海膽釜飯： 松葉蟹海膽釜飯同樣職員會幫你撈好，櫻花蝦作配料，松葉蟹同海膽份量算多，三者撈後一齊食，味道有層次。 南瀛水產 Nan Ei Sui San 尖沙咀金馬倫道5號太興廣場5樓 #foodie#hkfoodie#hkfoodblogger#美食當前#食咗先講#南瀛水產#NanEiSuiSan#日本菜#海鮮#壽司#刺身#居酒屋#日本直送