新餐廳實測-似食法國菜的點心店［詳盡報告有］三好點心

大角咀港灣豪庭新開點心店，7蚊位茶免加一，有特價早市及下午茶套餐32蚊起，至於午餐和晚餐套餐是一樣價的52蚊起。價錢中規中矩，大角咀區談不上貴也不至於好平，食物就普普通通，招呼就麻麻地，成班樓面冇咩客見到茶壺開左蓋行過都唔會主動加滾水。最衰仲要漏單，餓住個肚等左成二十幾分鐘都冇野食，其他遲過我叫都已經黎齊野食，最激氣係個短髮女人仲黑我面，可能佢覺得漏單好平常小我大聲話佢原來未落唔怪得等咁耐都冇，大佬啊，你餓住個肚見人遲來先上岸唔嬲就假。（一般蒸點心都差不多要20分鐘所以好彩算發覺得早）跟著解釋下點解話似食法國菜：我1940入座，2020左右發覺漏單，最後落完單係2025, 直到2050都只係出左碟腐皮卷，跟著以為一次過來埋另外三籠蒸點心招牌蝦餃、燒賣及百花釀魚肚，點知只來了一籠蝦餃，再過十多分鐘才來齊點心，差唔多成9點先來齊，好彩飲茶飲飽頂住肚，如果唔係真係餓鬼親😅 P.S 其實原本點8籠點心，一來冇點心黎飲茶飲飽左,二來睇到隔離枱食點心D反應麻麻，又問過佢地好唔好食，佢地話冇咩味，所以決定叫少一半。雖然有不愉快經歷，但值得讚都會讚： 😋必食攻略1：百花釀魚肚 💬 簡介：墨魚滑彈牙，魚肚夠大舊，正！ 👍 推薦指數：4/5 茶都好飲👍 蝦餃D蝦冧冧地，燒賣可能是傳統個隻有肥豬肉少蝦，腐皮卷都ok,但油左少少。大家有興趣都不妨一試，少鹽點心適合注意健康人仕。地址：大角咀港灣豪庭廣場地下百份百茶餐廳對面歡迎關注及follow我IG:cordakiki 感謝各位！歡迎合作！更多內容請按：https://bit.ly/4bUAGUB #打卡美食 #打卡 #chill #好去處 #UCreator #全新景點 #香港美食 #hkfoodie #foodie #hkfood #foodiehk #相機食先 #美食 #食咗先講 #點心 #記得防曬 #生活足跡 #dimsum #中式點心 #大角咀好去處 #大角咀美食推介 #大角咀餐廳 #新店試業 #港式點心 #新開業 #新開餐廳 #新店開幕 #新店速遞 #餐廳實測 #新店實測 ...更多