2023/08/25

夏日優惠！高CP值！多人嗌到，餐廳用曬鐵板😱

【夏日優惠！高CP值！餐湯+蒜蓉包+西冷鐵板+凍熱飲‧多人嗌到，餐廳用曬鐵板😱】 #MC帶你去樂富 . 港式鐵板餐，最平最平去連鎖快餐店食，都起碼要$70，仲要無得嗌幾多成熟、又薄到成張紙咁📄今日小編食到間超高CP值，回頭率極高嘅西餐廳。 . 🍽️鐵板特級西冷牛扒套餐做緊夏日慚閃優惠，原價$168減到$78嘅Lunch 套餐。可以揀紅/白餐湯、幾成熟、凍飲唔加錢。包埋咁多樣野，仲平過佢自己Menu啲Lunch Set。 . 🥩 西冷牛扒（5成熟）配意粉，黑椒汁西冷扒又大又厚，無為左減價而肉量縮小😱依個真係值得讚，對得住個價錢有突👍🏻上到枱，鐵板西冷都變7成熟，都明白嘅。食落都鬆軟，坦白講肉汁就真係無乜嫁啦，不過蘸黑椒汁嘅話，食落都幾惹味😋 . 🫕 餐湯（忌廉湯）套餐包埋免費餐湯，分別有忌廉湯同羅宋湯。忌廉湯無配料、配菜，略為失色。 . 🥖蒜蓉包餐包喺蒜蓉包，依個補返餐湯嘅失色。蒜蓉味好香🧄烘得好乾身好硬，咬落十分脆口，蘸返個餐湯就啱啱好，又好索汁🫶🏻 . ⚡ $78蚊嚟講真係超值，人氣嘅程度，基本上每枱都喺嗌依個餐，搞到最後無鐵板用🤷🏻‍♂️我一枱4個餐，得兩個有鐵板上西冷，另外兩個就普通餐碟上西冷，就有啲失望☹️唯有提提大家，想食的話就提早啲嚟餐廳啦。 . ⭐整體︰9.5/10 ⭐食物︰8.0/10 ⭐環境︰8.5/10 ⭐價錢︰10/10 . ===================================== 📍 茜廊餐廳（樂富）地址：樂富聯合道198號樂富廣場UG1 L105-108號舖交通︰港鐵樂富站 A 出口 ===================================== . #MC #Ming _Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #黃大仙區美食 #樂富美食 #樂富一日遊 #樂富好去處 #香港美食 #吃貨 #相機食先 #本地遊 #香港一日遊 #香港好去處 #香港 #樂富 #茜廊餐廳 #港式 #鐵板 ...更多