2024/08/14

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

【召集! 角落生物Fans】必去! 期間限定《角落小夥伴》打卡主題餐廳 | 附book台小貼士

我哋上一次錯過咗，因為太太太受歡迎所以超full，今次佢哋再度回歸!! 我哋終於可以帶到兩位小姐去《角落小夥伴》主題期間限定店啦!! 當然都要多謝老公今次咁叻仔，一收到風就馬上上網Book台~ (文末預約方法) **以我所知，餐廳分好時間亦好Full，所以只接受網上預約 (不設walk-in)。和牛B知道去《角落小夥伴》主題餐廳，所以都特意搵返件衫、帶埋佢私伙嘅公仔一齊去~ 一去到餐廳門口，佢哋已經超級的興奮!! 衝呀~ 講真，我見到都好開心!! 平時都覺得佢哋好cute，而家仲放大咗咁多!! 餐廳入面有超級巨大版嘅角落生物，咁你想邊個陪你食飯呀? 佢哋有炸豬扒、炸蝦尾、貓、白熊、企鵝等。預約嘅時候，仲可以揀自己鍾意嘅角色嘅主題台。和牛b就鍾意炸豬扒、蝦尾同貓貓。所以爸爸book咗炸豬扒、炸蝦尾台。餐廳入面其他嘅人物台~~ 餐廳係主打台式美食，因為今次係《角落小夥伴》主題，所以餐廳特別附有主題美食。 ^ 殘忍嘅飯~(哈) [ 餐廳Menu ] 我哋點咗貓炸花枝丸、角落小夥伴兒童餐、炸豬扒咖哩飯、角落小夥伴包，三杯飲品(炸豬耕黑糖珍珠紅茶拿鐵、白熊可可棉花糖2杯)，一份甜品 (布甸)。角落小夥伴兒童餐 (山鹽酥雞滷肉飯、章魚腸仔、沙律菜、粟米) 炸豬扒咖哩飯角落小夥伴包 (原味饅頭、奶皇包、豆沙包) 鬆軟，而且好足料! 睇妹妹個樣就知，好味道~ 角落小夥伴布甸 (三款選擇: (貓) 芒果布甸、(白熊) 椰汁糕、(炸豬排炸蝦尾) 朱古力布甸) 布甸面頭白色部份有帶少少咸少少酸，至於朱古力部份唔會過甜偏淡。不過，真心我哋個人麻麻地面頭嗰陣味道~ 白熊可可棉花糖炸豬耕黑糖珍珠紅茶拿鐵 - 我諗形容為珍珠奶茶會更加貼切，不過好飲的~ 食物份量唔算太大份，但我覺得食物質素係ok㗎。不過作為主題餐廳，打卡嘅地方都多㗎。而且真係好震撼，因為佢哋巨大咗好多~ 超可愛呀~~~！餐廳設每人最低消費 $100 (5歲以下小童不包括在內)，留意用餐時間為90分鐘。餐廳墊台紙都一樣咁靚!!! 餐廳入面仲有佢哋嘅日本商品出售，所以2個女都超級開心呀！＊預約小貼士＊ Book位只限尖沙咀分店，暫時只開放預約至4月30日，每個月嘅8號中午12:00會開放下個月嘅預定。預約連結: https://inline.app/booking/puns/foodtst 星期一至五: 供應時間 2:30pm - 9:30pm. <2:30pm. / 4pm. / 5:30pm. / 7pm. / 8:30pm.> 星期六、日及公眾假期: 10am. - 9:30pm. (9pm. last order) < 10am. / 11:30am. / 1pm. / 2:30pm. / 4pm. / 5:30pm. / 7pm. / 8:30pm. > 【奔 · Sumikkogurashi 角落小夥伴】期間限定：2023年4月1日至7月31日地點及地址：奔之食堂尖沙咀店｜香港尖沙咀廣東道28號力寶太陽廣場 LG07-08號舖奔之食堂銅鑼灣店｜香港銅鑼灣白沙道11號 ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel https://www.youtube.com/c/Wagyubmami ============================ #和牛B # 親子餐廳 # 主題餐廳 # 打卡餐廳 # 期間限定餐廳 # 角落小夥伴 # 角落生物 # 角落生物餐廳 #hkblogger #hkbloggermom #hkkolmom #Sumikkogurashi # SumikkogurashiHK # 打卡餐廳 # 和牛媽媽 # 親子日常 # 香港親子 # 香港媽媽 (此文章由U Blog 同步發佈至社群)...更多