90分鐘日本生蠔爆發大滿足

想食生蠔嘅季節又到喇🦪，見到生蠔關注組好多嘅介紹，蠔吧逐隻計嫌太貴，自己開又太辛苦，見呢間餐廳喺專門食日本直送生蠔，而且放題有90分鐘又唔貴，當然要去試下喇😝 食べ放題1時間半＄498 先黎過靚靚打卡前菜📸 🍽八寸喜多嬉九品，包括牡蠣刺身、象拔蚌刺身、二式燒活白鱔、手工月見燒鳥丸、日式漬物、牡蠣茶漬飯、天婦羅秋葵、天婦羅紫蘇吞拿魚蓉及沙律；當中有幾款我哋超鍾意👇 🦪牡蠣刺身－鮮甜爽口，帶礦物味 🐍二式燒活白鱔－爽脆香口野味 🥚🍢手工月見燒鳥丸－鳥丸肉汁juicy配埋蛋味濃香嘅生蛋，妙極 🦪🍚牡蠣茶漬飯－濃郁蠔味嘅濃湯飯，食完都想再食 食完一人一份嘅前菜之後就食放題部份⛩🎊，放題包括有牡蠣刺身、燒牡蠣、燒帆立貝、牡蠣五島手延烏冬、牡蠣秘製撈五島手延烏冬、牡蠣茶漬飯、多款指定特式串燒及飲品 首先當然緊喺食生蠔喇 🍢生蠔配以酸啫喱，微辣蘿蔔蓉及香蔥，帶出蠔嘅鮮甜味，生蠔爽口帶礦物味 🦪燒帆立貝及牡蠣燒得啱啱好，鮮甜juicy   🍜牡蠣五島手延烏冬，烏冬質地非常彈牙，又滑又爽口，湯底同牡蠣茶漬飯一樣非常濃郁 🍢串燒叫咗 羊肉、墨魚仔、鳥大腿肉、雞心及秋葵 最有意外驚喜就係燒雞心，非常彈牙juicy  🐟燒味淋魚乾，香香脆脆做小食一流 🍵飲品叫咗 茉莉薰花茶及梨山烏龍茶兩款都喺冷泡茶，清新爽口 另外有3款醬汁供應👇 孜然醬、蒜蓉醬及xo醬，點串燒一流 檯頭仲有秘製魔鬼辣椒粉，小小辣多多香，幾過癮 餐廳播放住日本音樂，非常好聽，令食慾大增 以呢個價錢，有日本直送生蠔及各款美食，性價比高 魚堅總評 性價比  5👍 (以5👍為滿分) 📍喜多嬉牡蠣屋 中環擺花街1-7號一號廣場地下9號舖 👇仲有以下魚堅日記不同頻道可以瀏覽👇 Facebook專頁 https://www.facebook.com/fishkatsuodiary Instagram https://www.instagram.com/fishkatsuodiary YouTube channel https://www.youtube.com/c/魚堅日記fishkatsuo Ublog  https://blog.ulifestyle.com.hk/fishkatsuodiary #日式料理 #日式放題 #相機食先 #中環美食 #打卡美食 #生蠔放題 #喜多嬉牡蠣屋 (此文章由U Blog 同步發佈至社群)