宮崎肉本舖｜日本過江龍人氣燒肉店🥩必食高質宮崎A5櫻花牛

餐廳係日本過江龍燒肉店，每月會於宮崎自家櫻花牧場以「一頭牛」方式引入獲獎無數A5櫻花牛，故客人可品嘗由赤身至霜降共十多種部位，牛魔王點可以錯過😈除牛肉講究外，餐廳環境及景觀開揚，日式廂房私隱度高，好啱情侶約會😌 🌟120分鐘宮崎A5櫻花牛極上燒肉放題（$998/位） 放題包括和牛拼盤，6款無限追加A5 櫻花和牛及超過60款日本進口食材，款式多到眼花撩亂😋 🥩A5櫻花和牛拼盤 拼盤賣相勁吸引，有4款稀有部位，分別係和尚頭、前腿肉、西冷扒及壽喜燒，另有6款無限追加部位，分別係外後腿肉、內後腿肉、肩里肌、肩口肉、五花腩及牛肋肉；店員建議先由油脂較少部位開始食，最後更會代燒火喉較難控制嘅壽喜燒及西冷扒，服務非常好👍🏻櫻花和牛肉質幼嫩，油脂分佈幼細，入口油香濃烈，確實高質😋 另推介以下幾款特色任食食物： 🐓雞皮餃子 選用新瀉地雞，品質及味道均有保證。雞皮餃子以雞皮包住雞肉，雞皮燒過後好香口，雞肉彈牙又充滿肉汁，屬必點之選👍🏻 🐓雞冠 第一次食雞冠，口感爽彈有膠質，經調味後味道辣辣地，食落有驚喜，未試過絕對要一試😌 🐓燒汁雞心 雞心彈牙有咬口，口感比雞腎軟腍，又係屬必食之選😌 🦀蟹味噌甲羅燒 甲羅燒燒熱後，將生鵪鶉蛋倒入攪拌，再與米餅同食，蟹味噌香氣四溢且鹹甜適中，米餅則可減少膩感😌 🦀松葉蟹肉茶漬飯 松葉蟹肉味帶鹹鮮，而茶漬飯有清新解膩效果，配搭唔錯😌另份量唔會好多，既可淺嚐，又唔會覺得好飽😌 🍹巨峰乳酸梳打 🍹荔枝乳酸梳打 梳打顏色夢幻，有巨峰及荔枝香甜果味，但味道只係少甜，清新又解渴😌 #燒肉 #燒肉套餐 #日式燒肉 #銅鑼灣美食 #和牛 #櫻花牛 #wagyu #beeflover #烤肉 #宮崎肉本舖 #燒肉放題 #和牛放題 #任食 #任食和牛 #任飲任食 #任食放題