2025/01/06

[旺角］有得玩有得食高質隱世cafe店☕️

旺角有好多間cafe店,不過我今次要介紹既呢間係位於金雞廣場高層既cafe店~雖然係樓上鋪但一出lift走廊係好光猛絕對唔洗擔心,走廊直行到尾就到啦😌店鋪大枱同細枱各佔一半,方便大家約埋朋友一齊黎傾計玩board game又得,情侶上黎慶祝食飯都得☺️餐廳有埋蛋糕供應,可以食完正餐甜品直落~只需要惠顧Dinner set就可以加$38嘆埋田園沙律+特色芝士蛋糕🍰 餐廳仲有大量board game比你選擇,有大富翁､UNO､三國殺等等,一定有款岩玩~記得玩完要放番原位呀😌 ————————————————————————————— ♦️西班牙海蝦辣肉腸燴飯🦐:蝦好大隻,辣肉腸都好大舊,配料有青椒､黃椒､紅椒､洋蔥,醬料帶有蕃茄味加埋配料一齊食,不但唔酸仲帶有甜味好開胃 ♦️香蒜白酒蜆肉意粉:蒜味香濃但唔會覺得濟,意粉軟硬度適中,成碟意粉油膩感唔重,加左蕃茄仔更能提升口感 ✨✨加$38升級田園沙律+特色芝士蛋糕🍰 ❣️田園沙律:加左胡麻醬幾好味,餐廳好貼心將沙律菜size切到岩岩好入口👍🏻 ❣️巴斯克蛋糕:表面既焦糖香脆,入口溫度微暖即叫即製,味道帶少許焦糖微甘味,配埋旁邊既可可粉中和左焦糖甘味岩岩好,芝士唔臊入口軟滑 ❣️開心果tiramisu麻糬蛋糕(💖最新推出):表面有滿滿開心果碎,第一層係開心果醬,第二層係tiramisu蛋糕,第三層係麻糬,一次過滿足晒你3個願望🤭中意開心果既朋友唔好錯過呀~ ♦️蜜糖雞翼:一上菜果陣熱辣辣,蜜糖味好香甜,雞翼夠大隻肉質仲好嫩滑 ♦️炸薯條:份量幾多即叫即炸,每條薯條都好粗身有好多薯仔蓉,絕對係聚會必叫🤭 ♦️月亮(荔枝､菠蘿鮮打沙冰):超冰凍,菠蘿味略淡,但荔枝味較濃,雖然啲冰比較多但味道唔會減淡,仲越飲味道越濃郁 ✨溫馨提示:一開始可能要飲快少少,因為比較滿啲冰會溶好快滿瀉~ ♦️戴安娜(紫玫瑰花,紅玫瑰花,洋甘菊,薰衣草):好貼心有小蠟燭熱住個茶壺,唔好睇小支蠟燭啲茶真係有煙~飲落去洋甘菊同薰衣草味較突出,成程飲住佢仲有助消滯,其功效可以消除疲勞､鬆馳神經､可冶失眠､養肝明目､抗老化同舒解壓力~不過不適合孕婦飲用‼️ 評分🖍️(滿分為5個🌕) 抵食指數:🌕🌕🌕🌕🌗 服務質素:🌕🌕🌕🌕🌕 環境:🌕🌕🌕🌕🌑 味道:🌕🌕🌕🌕🌑 @station3cafe 📍 第三站 (旺角) 旺角洗衣街39號金雞廣場25樓08-09室 #boardgame #foodie #hkfoodie #hkig #food #hkfoodpic #hongkong #hkrestaurant #hkfood #hkfoodblogger #foodiehk #打卡餐廳 #旺角美食 #咖啡店 #香港美食 #旺角 #意粉 #甜品 #蛋糕 #朋友聚會 #抵食 #美食 #性價比高 #港式茶餐廳探店 #聚會好去處 #樓上cafe #香港cafe推薦 #遠離敏感肌 #我想去AIA嘉年華 #西餐廳 #UCreator #CAFE #打卡美食 ...更多