［泰國］距離曼谷市中心約40分鐘即買即食海鮮市場🦐🦀🦞

想去啲方便又乾淨既海鮮市場食地道風味菜式可以去吞武里市場,車程只需要40分鐘至1小時便到達,市場係2022興建所以設施都好新淨,當中有超過500多間店鋪進駐,而且不少都榮獲米芝連｡我揀平日去所以很多店舖都唔洗排隊,場內有大量餐枱供食客進食｡市場劃分為3個區域,分別係熟食區､日常雜貨區以及生鮮區,想平價食新鮮海鮮既朋友千祈唔好錯過呢度啦🫢場內更有洗手盤供食客使用好貼心😍🩷 ————————————————————————————— 📍第一區:美食廣場 呢區好受旅客歡迎,當中有多間著名食肆,包括JeNgor’s Kitchen 娥姐餐館(ครัวเจ๊ง้อ)､水門市場綠色制服海南雞飯､手標泰奶､脆皮豬肉､必食榴連糯米飯等等｡ ♦️海南雞飯(推薦) 飯質有咬口唔係勁諗果種質地,雞肉去骨而且很嫩滑搭配附送醬汁好惹味👍🏻我個人比較喜歡甜酸醬,覺得有啲肥膩可以食新鮮青瓜 我都幾中意碗湯,因為香港好多海南雞飯送既湯都好重胡椒味好嗆口,但呢碗完全冇乜胡椒味而且好香雞味蘿蔔都好甜,我覺得有少少似像緊滴雞精😂😋 ♦️蟹肉炒飯(推薦) 我試左娥姐餐館既蟹肉炒飯,佢係即買即炒夠鑊氣｡我建議大家可以試試,佢落左好多蟹肉,而且唔係用冰鮮蟹肉而係用新鮮蟹拆出黎既肉好有鮮味,炒飯底粒粒飯都好均勻🦀🦀 ♦️榴連糯米飯 榴連夠晒香甜核都好細粒,只有係泰國先可以食到呢種配搭,相比起芒果糯米飯口感更特別😋 ————————————————————————————— 📍第二區:蔬菜水果､日常生活雜貨區 呢區可能比較適合當地居民,就像好似我地既街市一樣但人地乾淨､寛敞得多,水果都好新鮮好平｡另外都有啲乾貨,例如服飾店､家居用品店等~ ————————————————————————————— 📍第三區:鯨魚美食中心､海鮮區 呢度必定係遊客重點去既地方,海鮮種類繁多基本上你諗到既呢度都可以搵到,而且價錢相對便宜,重點係可以即買即煮仲要係免費幫你煮,更會附送免費海鮮醬,真係遊客既美食天堂｡呢度冇海鮮既魚腥味,通道都好乾爽,大部分店鋪海鮮都係明碼實價,建議大家可以周圍格價唔洗咁快決定食邊間,因為唔同鋪頭既價錢都有少少唔同｡ 除左海鮮另外都有幾間有米芝連推薦既餐廳可以選擇,果啲都係好受遊客歡迎既餐廳,唔洗特登係曼谷搵呢啲餐廳,呢度可以一次過滿足你多個願望😍🥰 ————————————————————————————— 如果大家食完都仲係覺得唔夠喉,唔緊要市場周邊都有唔同連鎖店舖可以選擇,例如麥當勞､MISTER DONUT､Dairy Queen等｡ 附近景點推介:空叻瑪榮水上市場､Bubble in the forest Café 評分🖍️(滿分為5個🌕) 抵食指數:🌕🌕🌕🌕🌑 服務質素:🌕🌕🌕🌕🌕 環境:🌕🌕🌕🌕🌑 味道:🌕🌕🌕🌕🌑 📍 吞武里市場 (Thonburi Market Place) 58 Borommaratchachonnani Rd, Sala Thammasop, Thawi Watthana, Bangkok 10170 如何到達:搭乘 MRT 至 Bang Yi Khan 站或 Bang Khun Non 站,再轉搭計程車,約20分鐘可抵達;或者建議可直接搭乘計程車前往 #UCreatorHK#BESTFOODwithUCreator#香港美食#九龍美食#新界美食#香港隱世美食#美食推介#美食推薦#美食分享#hkfoodie#hkfoodblogger#hongkongfoodie#hongkongfood