超可愛‼️大阪Pokémon Cafe😍

[活在地球🌍盡是生命🎶] 🍴Pokémon Cafe (大阪 心齋橋) 📍大阪府大阪市中央區心齋橋筋1-7-1 (心齋橋站旁 大丸心齋橋店 本館9樓) Osaka Metro地鐵御堂筋線･心齋橋站4號出口･地下道直通 ——————————————— 係傳說中好難book嘅Cafe‼️‼️ 比卡超愛好者必去💛大推 入到去好似比好多寵物小精靈包圍着😇 餐廳出邊都係比卡超嘅周邊產品💗 仲有限定版嘅廚師比卡超👨🏻‍🍳公仔 Kawaii呢😍 就算唔係比卡超迷入到去都覺得非常非常幸福🫶🏼💕💖 場內有ABC 區 👉🏻A位坐正中間 👉🏻B位就係餐廳嘅側邊位 👉🏻C位就係比較後啲嘅吧枱位 幸運嘅係!俾我哋book到A位正中間嘅位置!😆✌🏻 可以好近距離睇比卡超出場show🔆 真係超級超級正‼️🥳 入到去係用觸控板點餐 可以切換返中文睇 Menu有好多款 有正餐､甜品､飲品 每款餐都非常之靚🌠 全部都有寵物小精靈嘅造型🤩 同埋會送餐墊(隨機款) 🥢比卡超與小火龍的友好咖喱盤餐🔥🍛(2420 Yen 含稅) 咖喱飯比較鮮甜😆 都幾好食 精靈球下面係一個漢堡扒 小火龍下面係炸雞 超qq嘅造型真係好唔捨得食啊🥹 🥢午睡卡比獸的豐盛午餐拼盤💤😴(2420 Yen 含稅) 飯係卡比獸嘅大肚腩🤣(蝦爪飯) 配燒雞扒+ 沙律菜 雞扒啲肉質都幾鮮嫩 想食飽啲嘅可以叫呢款 🍹耿鬼的奇異之光冰沙🔥 (1045 Yen含稅) 係紫色嘅耿鬼💜 味道係提子味嘅冰沙🍇 入邊有盞紅色嘅燈 呼應返耿鬼嘅奇異之光絕招👍🏻 非常細心🫶🏼 個杯仲可以加$$去換帶返屋企㗎! ⚠️ 👉🏻留意返用餐時間會入座計90分鐘 最後半個鐘就會有廚師比卡超店長出嚟跳返隻舞🕺 所以食完餐嘅朋友千祈唔好錯過個show! 記得睇埋先走人啊! 👉🏻預約需知: 可以係Pokémon cafe官網度預約 留意返要一個月前book位 (想bk 8/7食 就要8/6 bk!) 每日嘅香港時間下午五點開始可以book 真係好似買演唱會飛咁搶手啊🫣 如果成功去到預約畫面 要填個人資料 想快啲預約到嘅話就記得打定👇🏻 1️⃣英文姓名 2️⃣電話 3️⃣email 到時去到預約畫面可以就咁c&p 快人一步預約‼️ ——————————————— (5個🌍為滿分) 味道:🌍🌍🌍🌍 環境:🌍🌍🌍🌍🌍 服務:🌍🌍🌍🌍 衛生:🌍🌍🌍🌍 CP值:🌍🌍🌍🌍 ——————————————— #earthfuneat_日本 #earthfuneat_大阪 #日本#心齋橋#日本好去處#旅行打卡#trip#旅行#旅遊#自由行#比卡超#cafe#美食#打卡#打卡熱點 #hkig#foodie#like#likeforlike#hkfoodie#share#restaurant#旅行美食#旅遊行程#打卡美食#UCreator