🫖紅磡 | 悠閑品茶Cafe | 茶閒裡𝐎𝐚𝐬𝐢𝐬 𝐭𝐞𝐚

🫖紅磡 | 悠閑品茶Cafe | 茶閒裡𝐎𝐚𝐬𝐢𝐬 𝐭𝐞𝐚 有次坐車經過見到呢度新開左間cafe🍽️今日終於有時間黎食啦｡原來佢哋並唔係普通既cafe,係一間小茶館,門口擺放左好多不同種類嘅特色茶葉,亦都係主打泡茶品茶🍵不過都有甜品🍰同茶食套餐🍱選擇｡Cafe既環境好靚好寬敞,係日式木系既設計風格,又冇限時,好岩約埋朋友坐係度一人一茶chill足一日,呢度仲要非常之打卡able tim📸✨ 🍱鰻魚菜飯套餐 $95 每個套餐包咗一份主食,一杯自選茶飲同水果🍎鰻魚飯賣相相當吸引✨鰻魚非常肥美,肉質鮮嫩,配上香甜照燒汁,味道濃郁,加埋健康嘅菜飯,成個飯食落都唔會過於肥膩👍🏻 🐔雞翼菜飯套餐 $85 雞翼煎到金黃,皮脆肉嫩,仲好入味🤤佢哋既飯係用左珍珠米🍚煮到粒粒分明,配埋咁惹味既雞翼一齊食,好有口感好好食👍🏻成個套餐性價比都好高⭐️ 🫖月光美人一個好靚既名🌛呢壺係來自雲南嘅白茶🌿香氣清冽淡雅,口感清淡帶有自然既甜味同花香,平時唔係好好中國茶既我都覺得好甘香好好飲😋 🍵鴨屎香單叢呢壺係黎自潮州嘅烏龍茶🍃帶有銀花清香,飲落比較濃醇,有清新嘅花香同濃郁嘅果香,回甘持久🍵值得一提係店家會擺放埋茶品既卡係旁邊,寫明茶葉既產地,品種同口感等等,好細心🫶🏻 🧁朱古力林明頓 $40 林明頓蛋糕其實係一種澳洲既甜品,外觀精緻,打卡一流✨上面沾滿朱古力碎同果仁碎,入面係海綿蛋糕🍰蛋糕食落好鬆軟,朱古力味濃郁,而且仲有榛子粒粒,甜度亦剛剛好,唔會太heavy🤤 🍰開心果林明頓 $40 開心果控必食,淡綠色嘅開心果奶油包住柔軟嘅海綿蛋糕,上面沾滿開心果碎,加上香濃既開心果味😍每一啖都好滿足呀🤤 小店經營但食得出佢哋對食物同品茶既用心💞下次都會再去😋🌿 茶閒裡 | @oasistea_hk 📍紅磡馬頭圍道63號啟岸1樓104號舖 #香港美食 #紅磡美食 #打卡美食 #香港好去處 #香港打卡cafe #香港美食指南 #香港美食分享 #茶閒裡 #品茶cafe #打卡cafe #我想去AIA嘉年華 ...更多

115