日式裝潢的韓國餐廳

之前喺荃灣行街都食過呢間餐廳，依家佢終於喺黃大仙開分店啦，個人認為餐廳嘅裝修有啲似日本餐廳，但係都坐得幾舒服，今次我哋就叫咗個最抵食嘅節日精選套餐 前菜簡咗北海道帶子大蝦沙律，同凍豆腐，兩款前菜味道其實好一般，雖然冇乜驚喜，但算係正常發揮啦 鰻魚泡菜石頭鍋飯 鰻魚同泡菜都係我嘅至愛，不過好少兩者Mix埋一齊食，原來鰻魚嘅甜味。加埋泡菜嘅酸辣味係咁夾嘅 雪花三重芝士炸雞 睇落就好多芝士，但係食唔出芝士嘅鹹味，同埋其實芝士汁唔係幾掛到落啲雞度，不過炸雞係整得幾香口嘅 紫菜肉鬆蛋捲 呢個蛋糕味道同玉子燒好似，我估佢應該係落咗少少堅魚汁，所以個蛋食落甜甜哋，加埋紫菜同肉鬆，口感更加豐富 燒魷魚 魷魚係原隻上需要自己剪開，口感彈牙，感覺好食過唔少居酒屋 評分：6/10 地址：韓閣 (黃大仙) 黃大仙龍翔道136號黃大仙中心北館地下G06E-G06G號鋪 Follow me: Facebook: miki's dreamland Instagram: miki.dreamland #韓國 #炸雞 #部隊鍋 #韓國美食 #黃大仙 #相機先食 #korea #oppa #koreafood (此文章由U Blog 同步發佈至社群)