我同老婆大人一齊去到沙田凱悅酒店,參加咗Pride Month嘅亮燈儀式同埋雞尾酒派對,同好朋友和在場嘉賓齊齊驕傲返一晚。
去到嘅時候已經見到有歌手現場唱歌助興,歌聲好鬼美妙令到大家都勁享受。
呢個時候我哋先嘆杯特色驕傲月飲品,呢杯係冇酒精嘅Be More Loud,我冇試到不過老婆大人就話味道香甜好正。
酒鬼嘅我梗係飲呢杯Be More Proud啦!呢杯係用咗伏特加、柚子蜜、菠蘿汁同埋檸檬汁溝成嘅雞尾酒,水果味好香加埋我鍾意嘅Vodka真係幾好飲㗎。
除咗靚嘅雞尾酒之外仲有好多唔同嘅小點心唔止樣靚味道都好鬼正!我哋喺呢度都已經食到半飽。
甜嘅點心全部都係用彩虹做主題完全切合今次嘅驕傲月。
時間差唔多呢個時候Be Mote Proud噴泉終於亮起璀璨嘅燈光,入夜睇真係好靚大家有時間記得嚟打個靚卡。
感謝分享,互相關注?😍