富麗敦海洋公園酒店 buffet…… 估唔到水準

地址－ 富麗敦海洋酒店星耀廳 環境／設施－ 🌟🌟🌟🌟🌟 特色－🌟🌟🌟🌟 人均價格－ 約800 評分－ 🌟🌟🌟🌟🌟。有意外驚喜。🤩 而家先寫富麗敦海洋公園酒店？其實一啲都唔遲！😜因為係寫酒店星耀廳晚餐buffet。網上食評一般，但自助餐比想像中好多。 > 酒店設計非常南洋風情，樓底高，坐得舒服 餐廳環境一流，充滿東南亞、馬來西亞的南洋風情。望住海食飯，緊係好食……😊 另外，加少少錢有紅、白酒放題，嚟呢度食飯都預咗，俾佢。🤣🍾 > 因為住一晚，飲多啲都冇問題，每人一位花膠燉湯，花膠厚身，食完臉都彈啲。😂 返本就一定食冷盤。龍蝦唔乾，「好少可」咬到出汁，震驚級指數。麵包蟹唔乾身，好多膏。凍花蟹有肉食，呢點好緊要，其他酒店好多都只係食個殼。🥹 > 較特別係有小龍蝦。海鮮唔會一次放好多出嚟，較衛生。 > 龍蝦多膏，好Juicy > 擺位唔好，都冇食慾。呢度食就胃口大增👍  沙律吧最特別係有原隻火腿，即叫即切，好少見。 熱食好多選擇，亦有專櫃燒 bbq。烤和牛好好食。中式燒肉燒得好脆口，一層肉，一層肥膏，Yummy，不過，中國點心就……😞😞😞😞 > 寫分享乜都試。估唔到有炆鵝掌食，好入味。反而點心真一般，皮太厚。 > BBQ有烤和牛、魚柳及中蝦，和牛好正 朋友話呢度甜品好好食，加上賣相一流 👍。本身唔係「甜品控」，覺得唔太甜，都幾好食嘅。 > 各大酒店甜品款式都差唔多，不過呢度賣相一流。 > 比較有特色嘅，係有雞蛋仔食 當晚自助晚餐喺水準之上，加上環境一流，大家冇「搶嘢食」， refill 好快，成晚食得好開心。 除咗buffet，富麗敦酒店泳池有無敵大海景，影相打卡一流，朝早起身望吓個海，醒哂。最好食 buffet 同staycation, 再去海洋公園玩一日， perfect。❤️ > 如果住一晚可以到泳池游夜水，聽日再同細路仔到海洋公園玩。 #hkfoodie #真實食評 #自助餐攻略 #海洋公園酒店 #尋找你的旅行背包 #酒店自助餐 #美食推介 #美食推薦 #hkfoodie #尋找你的旅行背包 #尋找你的旅行背包本地遊篇 #真實食評 #自助餐攻略 #海洋公園酒店 #香港海洋公園富麗敦酒店 (此文章由U Blog 同步發佈至社群)