做返遊客該做嘅事情📸---《下一站...Spain🇪🇸》· Day 4 獨遊城市

今日上堂終於要用到書，本身都唔知道今朝要去office拎，不過行緊去lecture building 嘅時候（其實嗰時我係搵緊路，因為我唔記得座building 喺邊😌），咁啱撞到個老師，佢走埋嚟同我講叫我去office拎本書，可能佢都知我聽唔明西班牙文，所以佢一開口就用英文同我講。嗰一刻我都幾肯定佢尋日上堂應該有提過要拎本書，不過上堂嘅時候竟然得我同另外一個人有書，咁到底係我哋聽唔明，定係佢冇講過呢???🤣🤣🤣 上晒堂之後，又係如常地去canteen食飯。其實呢間餐廳都幾唔錯，每日菜式唔同，價錢又唔貴午餐劃一價錢€6.4 食完飯之後抖咗一陣，正式出去城市行一轉網上推介嘅旅遊景點。沿途留意到西班牙嘅馬路，會用藍色線劃分停車位置同埋行車路，唔似英國馬路咁樣，泊到左右都係死車🅿️ 第一站首先去到📍Convento de Santa Clara de Santiago de Compostela. 其實佢係一個類似修道院/教堂嘅建築，不過我見佢入面漆黑一片，好似冇開咁，加上我對教堂冇乜興趣（同埋城市入面已經有一座咁勁嘅教堂就無謂浪費時間），所以就無特登行入去。 第二站📍Miradoiro Costa Vell. 呢座建築物其實係舊金山修道院嘅鐘塔，加上小巷有個樓梯位升高左，所以呢個位影相都幾靚。 第三站📍Praza de San Martiño. 第四站📍Praça da Quintana de Vivos. 純粹一個有趣嘅額外知識，“Quintana”&“praça”兩個西班牙詞語都係譯做公共開放空間。 第五站📍Mosteiro de San Martiño Pinario. 最後一站📍Puerta Santa de la Catedral de Santiago de Compostela. 呢一座教堂最出名嘅就係，相傳聖雅各嘅遺體就係安葬咗係入面，所以吸引咗大批信徒去參觀。教堂係免費入場的，不過排隊入去嘅人數都唔少，我都排咗差唔多10分鐘先入到去。另外我應該撞正教堂差唔多休息嘅時間，入到去已經有一部份唔俾行。 行晒所有景點之後，已經差唔多係晚飯時間，所以又係Google Maps上面搵餐廳食飯。今晚食嘅呢一間餐廳評價都幾好（Google 評分4.5星），職員可以用英文溝通，同埋可能去返市中心地方，餐牌都有英文版本（我見佢仲有法文版本🇫🇷），落單無難度。 我主餐分別叫咗一個燴飯、同埋一杯可口可樂。燴飯都算出色，4分/ 5分，係可以覆桌之選🤤 甜品叫咗一個草莓芝士蛋糕，不過就完全唔掂🥴，上枱個下芝士蛋糕已經好濕，同埋個餅底都唔係硬身，好似解咗凍好耐咁樣。另外上枱嘅時候芝士蛋糕已經爛咗一忽，不過我自己都做過侍應，拎出嚟嗰唔整爛其實都考技巧，所以 it’s not a big deal for me。 最後埋單計埋小費€20.15 （其實貴咗喺個甜品度，但係出於好奇心又想試吓 ) ，如果唔叫甜品嘅話平差唔多€6 ，所以都尚算合理範圍入面👍🏻 總結，Day 4 繼續上堂，今日第一次上 cultural programs ，連我其他同班嘅朋友都話，個老師講嘢太快完全聽唔明，雖然對於我嚟講都冇乜分別，佢點講我都係唔明。不過睇字方面，的確記得一啲字係乜意思，所以都係有嘢袋落袋嘅。然後今日係個城市行嚟行去都幾開心，之後可能再有時間的話會睇埋博物館。 Day 4 完。✍️ Instagram: _ooahlongtea YouTube: ahlong’s vlog #旅行 #西班牙 #旅遊 #英國 #歐洲 #行程 #獨遊 #vlog #blog (此文章由U Blog 同步發佈至社群)