灣仔地膽又點會冇食過 #餃子控 推介嘅人氣餃子店 – 餃掂手餃子雲吞專門店。餐廳位於灣仔莊士敦道，餐牌主打手工餃子，每日即叫即包，新鮮又好食！價錢仲好親民！難怪䌓忙時間經常爆滿！
🍄🥟龍鳳松露雙灼餃跟湯 $92
龍鳳松茸餃子，即係4粒黑松露餃子加4粒白松露餃子；黑松露味道濃郁，白松露配埋菇菌一齊包口感爽脆D，兩款都係以新鮮豬肉做餡料，咬開唔會散哂，肉質扎實得黎食得出人手包嘅口感！跟嘅狀元九鼎湯🥣係老火湯！邊飲湯邊食餃子，清潤又滋味！
🥬🥟芫茜豬肉煎餃 $52/7隻
煎餃煎至皮薄，芫茜味香而不濃，配搭新鮮豬肉肉餡滿滿，食落口感豐富，香氣滿溢又唔會太油！推介！
🍜壽喜燒牛肉餃拉麵 $52/6 隻
壽喜燒牛肉餃咬開有濃濃嘅牛肉湯，帶點甜味嘅牛肉餃帶點咬勁，啱哂鐘意食牛嘅人！拉麵軟滑彈牙，湯頭有醋香！越食越惹味！
🍳黃金原味皮蛋 $28
少見嘅黃金原味皮蛋口感爽彈，味道清香，加埋醬油醋等一齊食更香口，啱哂做開胃菜！
餃掂手餃子雲吞專門店
地址 📍：灣仔莊士敦道44號地下
#餃子控
(此文章由U Blog 同步發佈至社群)
