尖沙咀海悅酒店咖啡廳自助餐即煮新鮮龍蝦肯定係呢度焦點,不過星期五嚟食足4個鐘嘅滋味蟹饌自助晚餐除咗龍蝦蟹都係主角,提吓大家記得免費加入凱悅天地會員,就可以好似我哋咁用65折優惠價$666/位(已連加一)就食得到原價要九百幾蚊㗎!
去到餐廳第一時間見到嘅係甜品檔口!有窩夫､雪糕,麵包布甸､豆腐花､芒果糯米飯同埋好多款嘅蛋糕甜品｡
鋪晒喺雪面嘅有皇帝蟹腳､麵包蟹､凍蝦､青口､沙白蜆同埋海螺｡
花雕醉雞翼同埋陳醋雲耳｡
沿住呢個位行前啲就係日本嘢!我哋呢日有刺身､多款壽司同日式小食｡
七點零鐘師傅就會響鈴鈴叫大家出嚟排隊攞啱啱劏好嘅油甘魚刺身｡
西式嘅頭盤呢日嘅芝士拼盤､凍肉｡
香煎虎蝦､天婦羅､燒鴨､叉燒同埋燒腩仔､海南雞飯｡
淥粉麵､花膠日月魚燉雞､瑤柱扒時蔬､上湯龍蝦鉗､豉油王大蝦､豉椒炒青口､辣酒煮海鮮､豬腳薑同埋清蒸沙巴龍躉｡
印度菜都有好幾款好似印式炸蟹餅､印式羊肉飯､天多利烤雞､印式扁豆咖喱､印式牛油雞同埋蒜味印式烤餅｡
即烚龍蝦､即煮芝士蟹肉意大利粉飯,燒有骨肉眼｡
燒菠蘿腸仔､白酒煮海鮮､香煎龍脷柳､日式茄子､燒羊髀､燒雜菜､番茄湯同埋炸薯條配黑松露醬｡
凍海鮮唔使講最正一定係皇帝蟹腳濃郁嘅海水味好鬼正斗,不過估唔到青口都好出色咬落去非常多汁而且好鮮甜,刺身我就最推薦大家食帆立貝同埋三文魚｡
龍蝦爆曬羔食落好甘香龍蝦肉又爽又彈仲超級鮮味｡
香煎大虎蝦煎到好香口入面嘅蝦肉爽夾彈鮮味好夠,海南雞都整得勁嫩滑好好食｡
瑤柱扒西蘭花海味味非常濃郁!廚師一啲都唔孤寒鋪滿晒乾瑤柱令到西蘭花勁好食｡
花膠日月魚燉雞湯味道好清甜入面仲有大大隻花膠｡
七點鬆啲聽到響鈴即刻出去排隊攞即劏刺身魚!香軟充滿油分嘅油甘魚新鮮劏出嚟真係特別好食｡
然後侍應中送上一人一件嘅燒皇帝蟹腳!燒過嘅皇帝蟹腳海水味更加濃｡
天婦羅我就特別鍾意軟殼蟹同埋番薯喇｡
番茄湯濃到不得了嘅番茄味酸酸甜甜咁好飲｡
燒有骨肉眼好柔軟牛味都幾出色｡
芝士蟹肉意大利飯個口感仲有啲米骨,完全係老婆大人鍾意嘅味道同埋咬口｡
兩球雪糕都係酸酸地嘅味道幫手消吓滯｡
豆腐花加啲黃糖落去風味十足｡
芒果糯米飯個椰汁整得幾好連埋啲香甜芒果一齊食係好正嘅｡
伯爵茶忌廉蛋糕濃濃嘅伯爵茶味加埋滑嘟嘟嘅忌廉,飽到一個點嘅我哋都將佢食晒｡
