新加坡美食

說起新加坡美食，第一時間當然想起海南雞飯。一落機就去麥士威熟食中心食時刻都大排長龍的「天天海南雞飯」，不枉我排半個鐘，雞好嫩滑，油飯甘香唔太肥膩，抵讚!第二日早餐就去左曾經在香港插旗但已經絕跡香港的「亞坤」，食佢的招牌咖央多士，真係令人懷念。另外咖央厚方包都有驚喜，因為我一向都唔鍾意食白方包，所以食之前猶疑緊好唔好擺佢入口，估唔到原來都咁好味，亦令我慢慢克服對白方包的恐懼。之後那天的朝早去左一個街坊熟食中心食地道早餐，行左好耐都唔知食乜好，經其中一店的老闆娘推介，試左一樣叫「粿」的東西，就係白色的有點似白蘿蔔，上面鋪左類似鹹菜的東西，佢話係地道小吃，味道都OK，不過就好軟好容易散。另外紅色的係類似糯米?的東西，入面係我至愛的花生餡，好味!最後白糖糕都好味，冇酸味，以糕點作早餐感覺既特別又滿足。 #請爸爸食件Cake