值得推薦噶火鍋

今日一班人過咗嚟大埔呢邊，決定重遊舊地，但變化都比較大，去到食晏嘅時候就喺附近搵咗呢間大滾友火鍋 ，位於大埔舊墟直街4-20號美新大廈地下B2號舖，環境裝修中式古代風格，門口位置又有啤酒BAR檯，有少少中西合璧嘅感覺。最特別還有張皇帝嘅龍椅。

胡椒豬肚雞湯鍋，呢個湯飲完個胃都暖笠笠，成日食凍嘢，揀下呢個湯都唔錯，豬肚處理得乾淨，雞肉鮮嫩，胡椒味香，整煲出嚟，垂涎欲滴，未放任何配了之前，一定要試咗個湯先。

大滾友牛肉拼盤，一盒入邊有唔同品種嘅牛肉，每一款嘅牛肉都有唔同嘅口感，有啲肉汁豐富，有啲肉質鮮嫩，有啲口感煙韌，一盒可以滿足唔同朋友嘅要求。

伊比利亞橡果豬，脂肪比例剛剛好，肥瘦適中，放落個煲到滾幾滾，蘸上自己調好嘅醬汁，肉質嘅香，充滿成個口腔。

手打鵝肝墨汁墨魚丸，外表睇落去平平無奇，放入口鵝肝嘅香味即刻出嚟，食到鵝肝嘅絲滑，又食到墨魚肉嘅粒粒，果然係新鮮，口感都特別不同。

即炸黃金響鈴，雖然得四條，但係都係超級大條，即炸唔會有油益嘅味道，外層還有鹹蛋黃，可以打邊爐可以即刻食，超正，喜歡食響鈴嘅朋友，真係唔可以錯過。

雜菜拼盤，有紫淮山，蕃茄，生菜，油麥菜，蓮藕，粟米，金針菇，雲耳，娃娃菜，種類都幾多，可以滿足每個人的口味。

最後就叫咗兩杯超大嘅啤酒收尾，大到要用雙手捧起，小麥嘅香味濃郁，值得叫。

今日揀呢間，一班朋友都好滿足，又係開心嘅飯局。

#hkfood #hkfoodie #hkig #foodiehk #hkfoodblogger
#hkiger #topcitybitesHK #igfood #hongkongfood
#hkfoodlover #foodielife #foodstagram #instafood #食好西 #香港 #honkong #打卡美食 #香港好去處 #香港食評 #hkgirl
#hkfood #like4like #followforfollow #foodpic #foodie #hongkongfoodie #hkig #hongkongfoodie #foodstagram
#hongkong #foodpic #foodie