‼️旺角新開高質石燒小店😳🖤黑松露吉列牛驚喜滿滿😍🐮

呢間小店係7月登錄旺角嘅新店舖，旺角嘅石燒店都已經有唔少啦，即刻試下呢間有咩特別先🤙🏼

【御燒極上級黑松露吉列牛 加配套餐】($138+$22)🐮
最深感受係被黑松露包圍嘅吉列牛入口好香口😍黑松露香氣喺口腔徘徊，牛嘅肉質柔軟唔會韌，又夠油脂，掂！🐮👍🏻而且每塊牛嘅厚度都適中，唔會好薄或好厚，但又有咬口🥰

雖然佢叫吉列牛咋，不過佢個麵包糠唔會好厚，只係輕輕提升咗個口感同層次，增加香脆感，整體相當唔錯！😋點多少少牛肉汁增加味道就更出色💯

午市每個主食加$22可以升級做套餐，套餐包括嘢飲、紫菜味素飯，同埋流心蛋🐣流心蛋一樣夠味有質素💪🏼食曬成碗飯真係冇咩難度哈哈🤪

如果驚燒肉嘅時候彈親或者整污糟衫嘅話，店內都有提供一次性膠質圍裙，真係好貼心💓

【和風滑蛋牛肉丼】($58)🐣
雖然有對比下呢個丼嘅賣相真係無咁吸引🥹但係佢個滑蛋真係夠滑架😍👍🏻牛肉都夠味😋飯質都唔錯，唔會太淋，不過如果可以多少少醬汁重味啲就更好啦！🤏🏼

店內採用水泥同木嘅工業風設計，俾人寧靜感覺，無乜人嘅時候真係幾舒服。嗰日嘅店員姐姐好熱情，主動傾計仲請咗我試店內嘅【爆漿雞肉卷】😂😂😂又熱又多肉汁，好好食！姐姐透露原來鋪頭以前係做串燒起家，雞肉卷深受歡迎所以新鋪繼續賣！難怪燒物咁有水準啦😋😋😋

我唔會話$160食石燒好抵食，不過係物有所值嘅高質小店，都好值得支持！👍🏻👍🏻👍🏻

綜合評價（5分滿分）：
食物質素：🐮🐮🐮🐮
打卡指數：🐮🐮🐮🐮
環境：🐮🐮🐮🐮
性價比：🐮🐮🐮🐮

📍 御石燒
旺角廣華街2-20號翠園大廈二期地下10號舖

#熱門菜式 #御石燒 #旺角 #旺角美食 #攻略 #日本菜 #日本 #日本餐廳 #燒肉 #石燒 #隱世小店 #新餐廳 #日式料理 #生活足跡 #香港美食
#香港探店 #香港好去處 #日本料理 #高質餐廳