韓國炸雞配啤酒，係經常令我心癢癢嘅美食，今晚經過大圍就俾我見到，真係點忍得口。 韓式甜辣年糕炸雞 (半份 $108) 太開心啦，炸雞仲可以拼年糕，唔單只可以食炸雞，仲可以食埋我嘅至愛年糕。年糕只得幾條，唔洗驚太多會食滯；呢個甜辣汁很濃味，亦夠杰身，雞件輕易沾滿，每啖入口都讓味蕾開花。甜味令人垂涎；而辣度亦有點刺激(利申:本人不嗜辣的)，非常滋味。 啤酒 ($30) 韓劇教懂我的事: 吃炸雞，一定要配啤酒。要讚餐廳，啤酒唔會提供冰塊，但會提供冰杯，十分貼心，嚐到冰凍啤酒，同時不會因冰塊溶掉而影響啤酒味道。 韓風石板炒野菜 ($78) 有椰菜、洋蔥、雜菌、翠玉瓜、燈籠椒，面層更灑上芝麻，上枱時已聞到很香，入口就覺得非常惹味，亦是一道很好的送酒菜。 味遊韓國~旅程滿足🥰