同朋友開party
又係同朋友開party嘅時間,今次叫咗呢間@的到會,食物質素都唔錯,仲幾有驚喜,一嚟都好準時送到,食嘅時候都仲係熱,有餐具､夾同紙巾提供!
日式一口牛鰻魚炒飯配飛魚子:上面鋪滿超多飛魚子同紫菜絲,炒飯好幼粒嘅米飯嘅特別,而且粒粒分明,我覺得係鹹度適中,不會太鹹亦唔會無味,而且都好足料,牛肉同鰻魚都多!呢個我推介👍🏻
鮑汁花膠螺片素翅扒西蘭花:螺片大大塊,花膠份量又多,汁又不會稀,味道唔錯
日式照燒汁蘆筍金針菇肥牛卷(12件):呢個係日式嘅做法,金菇份量都唔少,用肥牛捲住好紮實,加埋蘆筍,食落去又爽
BBQ蜜糖烤雞翼(12隻):呢個都係必點,炸雞翼加蜜糖真係冇得輸,而且又唔會太甜
花膠栗子炆雞(約兩磅裝):呢個又係極推介,食到停唔到口,栗子好淋,雞肉又好入味,加埋花膠養顏
日式燒汁札幌帆立貝炒雜菜(約兩磅裝):份量都好多,西蘭花又係好淋,加埋帶子仲更加好食
鰻魚芝士蟹棒玉子燒(9件):玉子燒都好厚身,上面仲加埋鰻魚同蟹柳,一齊食口感好豐富
爆珠芒果布甸心心杯(16杯):大人小朋友都啱,我又係勁喜歡食芒果布甸,再加埋爆珠嗰種感覺,一次過食幾個都得😂
...更多
