實至名歸🫡 鐮倉人氣café😍

剛剛去咗呢間來自日本⛩️嘅鎌倉人氣和風café ，無論係餐廳環境、食物質素及igable📸都係水準之上，急不及待要介紹俾大家🤗 餐廳環境非常開陽闊落，裝修走京都日系風格並採用木系裝潢，卡位又多，坐得舒服🥰 🥢柚子香蔥蜆肉烏冬$85 蜆肉鮮甜嫩滑又juicy，湯底係清新爽香嘅鰹魚湯底，而柚子香嘅來源係來自柚皮絲，仲有大蔥及嫩綠海藻，整體清爽健康，同時包咗兩碟小缽，一碟係酸酸地嘅大根，另一碟係鹹鹹地嘅牛蒡絲 另外仲以$10加配咗個日本溫泉蛋添😋 🥢豪華吉列定食（豬扒＆廣島蠔）$138 炸蠔熱辣香脆又juicy，而豬扒亦非常香口，炸得肉嫩唔乾身；包咗兩個小缽之外仲有碗鰹魚昆布湯，飯量適中，不過大食嘅朋友都唔驚🤭，因為我見呢到個餐牌寫住｛白飯免費添加｝👍 另外仲以$10加配咗個日本味玉添，糖心又入味😋 🥢刺身五點盛$138 有三文魚、藍鰭吞拿魚、甘蝦、帶子及魚子，呢個價錢有五點刺身真係好抵🤑；刺身款款都好新鮮，不過講到最鍾意嘅…我就係帶子，大大隻鮮甜嫩滑，而朋友就話三文魚好肥美有驚喜，食落似腩位😋 🥢豆腐魚餅$35 質地比魚腐有口感，而且仲混合了粟米、紅蘿蔔絲等配菜，內裡軟滑濕潤，外面煎得夠香脆，唔錯嘅小食 🧁鎌倉紅葉茶屋抹茶白玉$52 寒天以紅葉造型非常搶眼cutie 🤩，白玉Q彈煙韌，中間放置咗甜香有質感嘅紅豆蓉，以香甜綠茶蜜糖作調味，並配上濃濃甘醇嘅抹茶，嗒落苦中回甘，好食😋又igable📸 🧁鐮倉紅葉茶屋特製軟雪糕芭菲$75 巴菲嘅精髓就係由上而下逐層食落去好似拆禮物🎁一樣，每層都有不同驚喜🤩，今次呢份禮物嘅頂層係夕張蜜瓜🍈軟雪糕🍦，超香甜蜜瓜味，同層嘅仲有Q彈白玉及甜蜜紅豆蓉，繼而出場嘅係勁濃郁而又幼滑濃厚嘅抹茶忌廉，並內藏着一口一啖嘅抹茶pancake🥞，最底層就係軟滑清甜嘅抹茶啫喱，並配上一杯超濃香嘅黑蜜糖🍯 🍵雪糕抹茶拿鐵 加配價$25 超濃郁抹茶嘅甘醇香味，入口幼滑，雲呢拿雪糕就算溶咗都無淡化抹茶嘅濃郁香味，反而增添了份細緻及柔滑感，必試👍 🍹冰芒果＆西柚紅茶 加配價$20 芒果及西柚味互相平衡，紅茶亦相當濃郁，整體酸酸甜甜，清新清爽 📍紅葉茶屋 (帝國中心) 尖沙咀麼地道68號帝國中心UG樓50-57號舖 #相機食先 #尖沙咀美食 #人氣cafe #紅葉茶屋 #帝國中心 #日系cafe #尖東美食 #打卡美食 #打卡人氣Cafe #igable #吉列定食 #igablecafe #momiji chaya #鎌倉cafe #雪糕芭菲 (此文章由U Blog 同步發佈至社群)