呢區有呢個”神”坐陣，久唔久要黎見下佢。
行上樓睇就係用餐區，卡位佔大多數，有少少日式食亭風味。
黎呢度點可以唔叫”名物” - 蟹籽沙律 ($60)，呢客已經係小，但已經大過個拉麵碗。
除咗有大量爽口青瓜絲外，底層仲有生菜，上面加上脆卜卜蟹籽，沙律醬唧邊，看似健康但暗藏邪惡度，起筷啦。
友人愛吃牛舌，見到餐牌上有呢客慢煮鐵板燒牛舌 ($98)而放棄了串燒牛舌。
侍應放低時”溫提”要注意鐵板熱度，牛舌厚薄適中，入口軟嫩又帶少少嚼口，加上有洋蔥及紅蘿蔔絲，帶多一份甜味。
黎個單品刺身，擺盤精美嘅活赤貝刺身 ($70)，望見D凍粒已經透心涼。
入口超爽脆，夠鮮度所以無腥味，只食到一份鮮甜味，正。
唔想選擇就可以叫串燒五品盛盒 ($108)，一客有齊鷄翼，金菇牛肉卷，鷄軟骨，辣椒仔及冬菇。
燒鷄翼......點會唔鍾意食?! 鹽燒皮香肉嫩。
而辣椒仔一啖一隻，微辣。
食完個赤貝刺身唔多夠喉，再叫個大盛魚生丼 ($198)，滿滿嘅刺身包括三文魚，吞拿魚，帶子，牡丹蝦，八爪魚，魚子及海膽，陣容豐富。
自選鮮爆配搭將魚子，海膽及帶子舖係飯上，然後一啖放入口，成個大海係我口中。
一到夏天，就最愛食蕎麥冷麵 ($60)
蕎麥麵汁夠凍，加埋芥末撈均用黎沾清爽嘅蕎麥麵食，透心涼呀。
想為蕎麥冷麵加D”拍檔”?! 來兩款炸物 : 大蝦野菜天婦羅 ($78)，一客有齊多種野菜，包括茄子，辣椒仔，蕃薯，南瓜及三隻炸蝦，呢口價錢可算相當抵食。
炸漿夠薄，唔會食到一口油及粉都未食到主食材。即叫即炸，入口夠熱及脆，蝦肉彈牙。
另一款係芝麻鷄翼 ($68)，一客有4隻，炸至金黃色再加上芝麻，香味四飄。
入口夠熱度，四個字形容: 皮脆肉嫩。
超飽……..真係超飽，就算佢有甜品都食唔落啦，下次再黎”還神”啦。
#ublog #foodblog #foodiehk #居酒屋 #七福神 #佐敦
#佐敦 #居酒屋 #七福神 #foodblog #foodiehk #ublog
(此文章由U Blog 同步發佈至社群)
感謝分享🙌🏻我關注咗你呀,請你都關注返我呀,謝謝🙏🏻
