ꕀ 𖠳【日本由布院】絕對要去的私湯溫泉旅館（住宿篇）ᐝ ꕀ

ꕀ 𖠳【日本由布院】絕對要去的私湯溫泉旅館(住宿篇)ᐝ ꕀ 一直都未試過一泊兩食嘅住宿體驗 今次揀咗喺由布院呢個童話小鎮慢活一下 一早就喺博多搭JR嚟到由布院 影陣相行下 下午嘅時候就去酒店check-in啦 『由布院UBL 酒店』 由JR由布院車站行去呢間酒店大約用咗30分鐘 如果唔想大汗踏細汗 可以根據酒店接駁車嘅時間去安排接送 不過因為佢有時段限制,時間唔太啱 所以我就揀咗自己慢慢漫步行去酒店 去到由布院UBL 酒店 好似世外桃源咁🌳 周圍都係好似森林咁嘅自然景色 酒店大堂: 幾時都有得飲咖啡☕️ 仲有啲伴手禮買~ 話咁快職員就親自帶我哋去房間 行過日式長廊 經過大浴池 因為酒店都有非私湯房型,住客都可以喺呢度浸溫泉啦~ 到咗房間 仲用緊好傳統嘅鎖匙開門 企喺玄關位置 已經見到間房好大好靚 映入眼簾嘅就係超大嘅日式傳統房間加私人風呂 真係靚到WOW一聲🤩 仔細啲參觀真係唔話得!😝 日式客廳､私人户外小花園､私人風呂､廁所(有2個洗手盤)､榻榻米 榻榻米嗰邊仲幫我哋喺熱水煲度預備好熱水😎 溫泉嘅泉水可以自己輕輕調冷暖 個風呂都好大 望住園景 而且仲有沖身區,可以喺度洗埋頭沖涼 我3:00 pm 左右入住,住到下一日11:00 夾夾埋埋斷斷續續都浸咗成10次🤣🤣 冇甩皮 皮膚仲滑Lu Lu 酒店仲預備咗啲小點心比我哋浸完溫泉後享用 😅晚上小插曲: 話說夜晚突然之間唔知點解好多飛飛嘅昆蟲入咗嚟🪰 仲要黐住間房唯一嘅燈 因為太高,所以打電話去搵職員求助 我話有many insects ,職員唔明我哋講乜☺️☺️ 不過佢都行咗過嚟幫我哋手 好盡力咁樣趕走啲昆蟲🐜 可能間酒店都有啲歷史啦 所以網上都有講過話設施比較陳舊 我自己住完就覺得都唔算好舊,至少有維護 不過昆蟲呢度就有啲令人驚慌 都搞咗大半個鐘~@@ 喺呢度都瞓得好好 第二朝再浸過就搭接駁車走 直接到JR 站 整體嚟講我覺得成個體驗係舒服嘅 美中不足嘅地方只係啲昆蟲同埋去程接駁車嘅時間太少選擇 溫馨提示🔔 - 我就喺由布院嘅family Mart買定一堆宵夜,當然酒店雪櫃都有嘢食,不過要收費 - 預訂嘅時候可以順便預約接駁車,不過佢係有時段限制 📍由布院UBL酒店 今次介紹咗酒店嘅住宿部分 下一篇再介紹吓酒店嘅用膳安排~ #日本好去處#旅行打卡#日本溫泉#日本好去處#日本酒店#旅遊行程