傳統高質日式鐵板燒

《秋田鐵板燒刺身專門店》 傳統日式鐵板燒,尖沙咀嘅秋田絕對算係老字號,品質一直保持高水準｡ · 秋田二人前套餐 · ✨季節沙律 爽脆水晶蘿蔔配上粟米粒同蕃茄仔,加上沙律醬好開胃｡ ✨魚籽鵝肝蒸蛋 爽脆黑魚籽､香濃綿滑鵝肝､幼滑蒸蛋,口感細膩豐富｡ ✨鮮活龍蝦 師傅將酒灑上龍蝦,然後再點火,頓時變成火焰龍蝦｡龍蝦肉非常鮮味,一啲都唔韌,仲以龍蝦膏製成醬汁,連龍蝦肉下面塊多士都超級好味!整體擺盤亦好靚｡ ✨鮮活南非鮑魚 先以昆布鹽燒,再加入白酒煮成,香味十 足｡鮑魚爽脆彈牙,可配上黑魚籽忌廉海苔醬汁一齊食｡ ✨香煎帶子 帶子兩面煎得金金黃黃,配上金箔同黑魚籽,可以選擇連同紫蘇葉一齊食｡最後再用紫菜夾住,一啖咬落,好好味! ✨香煎鵝肝 超級超級大塊鵝肝😳脆多士上放上鵝肝,再加上金箔同黑籽,賣相好高貴｡鵝肝口感細膩綿滑,入口即溶｡ ✨鹿兒島霜降和牛薄燒/厚燒 和牛油脂非常豐富甘香｡薄燒牛中間夾住大量蒜片同蔥花,非常香口;厚燒牛粒咬落油香滿溢｡旁邊嘅鹽燒昆布亦非常好味｡ ✨秋田炒飯/炒野菜/龍蝦清湯 以櫻花蝦､煙肉粒､蔥花等炒成,色澤好靚,好香口｡龍蝦湯係善用剛才嘅龍蝦殼熬成,好鮮甜｡ ✨豆沙包配綠茶雪糕 紅豆豆沙包配上綠茶味雪糕,冰火交融｡ 🌟🌟🌟 師傅最後仲喺鐵板上為我哋畫上公仔同祝福字句☺️ 📍地址:尖沙咀天文台圍8號1樓 #秋田鐵板燒刺身專門店#鐵板燒#尖沙咀鐵板燒#廚師發辦#尖沙咀美食#日本菜#香港美食#foodiehk#相機食先#美食推薦#吃貨#hkfoodie#hkinfluencer#好物分享#hklifestyle#majushare_food