［深圳］平價主打蕃茄湯自選麻辣燙🍲

呢間位於星河coco park既麻辣燙係深圳好出名既連鎖店,而且仲好平好食👍🏻大眾點評¥30就可以食到單人麻辣燙套餐入面已經包左十款配料包你食到飽,真係超抵食仲可以係3款湯底任揀一款,佢呢度主打新疆蕃茄湯大家可以試試,不過因為我之前未食過麻辣燙所以想試番最原始既麻辣湯底🫢 門口雪櫃用乾冰營造到煙霧彌漫咁,食材隱藏係啲煙中增添神秘色彩😋食客可以係門口拎碟同食物夾自助夾自己想食既材料同份量,留意番有啲材料係會逐件計(e.g肥牛､羊肉),夾完就可以去收銀處比錢,佢係用重量計既🫢之後佢會比個號碼牌你,你就可以去揀位坐~特別要提既係佢呢度有個自助吧,有白飯､熱茶､自助配料提供,包你食到飽🙈記住唔好錯過啦🤣 ————————————————————————————— ♦️今次揀左麻辣湯微辣,但其實我覺得辣度都有啲辣不過好香好惹味👍🏻配料:雪花肥牛(¥3)､娃娃菜､烏冬､薯粉､土豆､雞肉､芋頭､午餐肉､年糕､金菇､鴨血~建議大家要食佢既薯粉真係幾好味,有口感唔係腍到好易斷果種,配埋辣湯底真係正🥰另外都可以試下佢個圓條狀既芝心年糕,初頭唔知入面有芝士以為係似韓國果種年糕,點知一咬落去好香芝士味又唔臊亦唔燙口,年糕夠煙韌值得一試🤗 ♦️另一碗配料:牛丸､金菇､皇帝菜､芋絲､黑椒雞肉､鴨血､外形似墨魚丸既包心豬肉丸､麵~整體黎講都可以,雞肉好腍幾入味,鴨血都幾有口感😌 ————————————————————————————— 評分🖍️(滿分為5個🌕) 抵食指數:🌕🌕🌕🌕🌑 服務質素:🌕🌕🌕🌕🌑 環境:🌕🌕🌕🌕🌑 味道:🌕🌕🌕🌕🌑 📍福客·乾拌麻辣燙·現燙麻辣燙(COCOPark店) 福田街道福華三路268號星河COCOPARK購物廣場BIS-001A1-B1-W10-B1S-113號商鋪 #UCreatorHK#BESTFOODwithUCreator#美食推介#美食推薦#美食分享#hkfoodie#hkfoodblogger#hongkongfoodie#深圳美食#深圳攻略#深圳探店#深圳#深圳好去處#深圳一日遊#cocopark#呵護肌膚好物