郵輪🛳️【名勝世界壹號】啟航～

難得嘅長假期，靚媽今次就同老公帶埋爸爸媽媽，join咗🛳️名勝世界壹號，過一個6日5夜郵輪假期，原本我哋呢一程係去沖繩，遇正打風，好彩船公司前一日即刻通知我哋更改航道，坐郵輪暢遊越南芽莊及峴港，勁開心可以如期出發❤️ 船上設施好豐富，其中兩日會安排落船去越南芽莊和峴港觀光，可以選擇參加船公司嘅Day Trip或者自由行。因為爸爸媽媽都有啲地點想去，我就選擇咗包車，自己行程自己定，好方便，日日都過得好充實🥰 房間: 13層豪華郵輪「名勝世界壹號」 三款房間種類～內側客房、海景客房、露台客房 住豪啲就有四款[The Palace 皇宮]套房～皇宮套房、皇宮豪華套房、皇宮行政套房和皇宮庭院別墅。 我哋今次入住露台客房，坐喺露台可以望日出日落，聽下海浪聲，勁寫意😍 房間內有一張King size雙人床和一張雙人沙發床，晚上可以叫職員幫忙開床，就變成一張Queen size床，四個大人，都覺得好寬敞。走動空間範圍，就啱啱好可以打開兩個喼。 浴室乾濕分離👍🏻我自己帶咗適合自己嘅沐浴露同埋洗髮露，除咗呢樣，我就覺得其他嘢都可以唔使帶，基本洗漱用品齊全。 🪁船上有咩做？ 除咗可以欣賞海景山色之外，有羅馬泳池（戶外泳池、熱水按摩浴池）超長嘅凱撒滑水梯、live band表演，日間仲有美人魚出嚟同大家影相添！playroom都有架，見到好多小朋友去小小夢想家天地玩，裏面充滿笑聲！鍾意打機嘅，可以去動感地帶。 七樓大堂都有不間斷活動，播放電影、唱歌、夜間bingo 每晚「星座劇院」都有兩場精彩現場表演，魔術、雜技、歌舞、Talk Show都有，其中一晚我同老公被抽中上台添，有$200獎金和二杯cocktail🤣好難忘！ 食🍽️: 船上一共有八間餐廳，一上船就已經包咗一日3餐，而其中3間係免費餐廳，包括中西餐和自助餐、燒烤，中西餐每日午晚都不同Menu，每日都有新鮮感，鍾意食邊碟，仲可以再order，可以任飲任食😋 收費餐廳價格都好正常，爸爸夜晚肚餓走去食咗碟炒河和飲杯奶茶，都係普通香港茶餐廳價錢👍🏻 💻🛜有無得上網？ 郵輪係用衛星，我哋一上船就join咗佢哋嘅無線網絡套餐，四人plan係最抵用，用足全程，人均二百幾蚊，網速我覺得都ok，打卡upload靚相都無阻礙。船上周圍都有「名勝世界郵報」嘅QR code ，只要一scan，就睇到節目表和餐廳開放時間，好方便！ 坐郵輪真係更容易體驗各地文化，欣賞自然景色！爸爸媽媽都好滿意呢個trip，叫我快啲plan定下次😄 #名勝世界郵輪#名勝世界壹號#resortsworldcruises#resortsworldone#豪華郵輪之旅#旅行🧳 #越南#芽莊#蜆港#天依女神廟#芽莊中心#會安文化 #五行山#會安古鎮#vincom#食海鮮#越南河粉#UCreator#好去處#全新景點#隱世打卡點#郵輪