萬聖節期間是酒店自助餐旺季，最近Bellboy黑珍珠被指派到南灣如心酒店幫手，Bellboy第一次搭港鐵到黃竹坑站，感覺幾新鮮，之前從未踏足過這個站。南灣如心酒店的門口都幾隱蔽，可經側門或停車場入口進入。今次去到酒店P3樓I-O-N一間自助餐廳幫手。
整間餐廳都佈置了很多萬聖節南瓜裝飾，有啲仲有閃燈。現在I-O-N 做緊一個東南亞風味為主的假日早午自助餐，食物款式都好多，bellboy差不多全部都試齊，味道都唔錯。
當中最愛應該係即煎鴨肝，即叫即煎，外皮煎到香噴噴，鴨肝味道濃郁，入口即融，墊住一塊脆多士食，非常美味。
冰鎮海鮮類有翡翠螺、熟白蜆、海蝦、青口和小龍蝦。
沙律位置有華多夫燒雞沙律、薯仔沙律伴迷你魷魚、印尼雜菜沙律、冬菇黑耳木幼麵沙律伴黑松露油、泰式鳳爪沙律。平時自助餐的沙律部份都係自助形式，自己夾菜，自己加汁撈撈撈，呢間係廚師炮製安排好，都幾多人幫襯呢個位。
湯品類就有肉骨茶配油條和一個
中湯。
熱葷熱食位置是東南亞主題，海南雞飯、泰式純素生菜包、香茅豬扒有、泰式羅勒炒豬頸肉、蝦醬海鮮炒飯、翡翠參巴醬炒海鮮、雜錦沙嗲串燒、泰式蝦餅、香葉雞、法式格林鹹派、天多利風味羊架、越式燜豬手、馬沙文咖哩配羊肩、椰香參巴烤雞。除了惹味東南亞美食，仲有一個位置是烤西冷牛扒，塊扒都幾靚，唔韌，牛味突出。另外還有班尼迪蛋。
自助餐少不了刺身和壽司，日式食物就有鯛魚、吞拿魚、三文魚、馬刀貝、希靈魚和雜錦壽司。
自制湯麵區，選可喇沙湯、雞湯、越南牛肉湯、酸菜魚湯。麵就可選全蛋幼麵、油麵、米線、瀨粉、米粉、拉麵、粉絲、即食麵、五花腩、龍蝦丸、鮮蝦雲吞、紅腸、潮州魚蛋、魚片頭、炸魚蛋、蟹枊、潮州魚片、墨魚丸、貢丸豬皮、油麥菜、荳芽菜、芥蘭苗、小棠菜、生菜、豆卜和鮮冬菇，款式多到以為去咗街市買餸，總有一款麵品和配料啱心水，湯底款式繼續配合返東南亞主題。
當Bellboy忙緊準備自助餐食物時，突然見到角落栗子訓係堆假栗子入面，Bellboy問角落栗子黎餐廳攪乜，原來今次自助餐有角落栗子預備嘅萬聖節栗子甜品，萬聖節杯子蛋糕最頂粒栗子係角落栗子預備的。
其他甜品仲有綠茶風味慕絲蛋糕、南瓜配吉士、黑糖和果子、老婆餅、咖啡撻、意大利芝士蛋糕、芒果慕絲蛋糕、藍莓芝士蛋糕、自助熱香餅機。蛋糕會不停轉款，想試齊要留一留肚。
雪糕是Häagen-Dazs款式，有四隻味Cookies & cream、Coffee、Chocolate、Mango & raspbery。
凍肉位置還有芝士位置就有德國藍芝士、車打芝士、法國比爾軟芝士、埃文達芝士、餅乾、杏脯和提子乾。
最後其他食物還有什錦歐陸式麵包、迷你葡撻、鮮果配涼粉、西瓜、菠蘿、蘋果、橙、雪梨和鮮果配涼粉。
飲品有汽水櫃，有雪碧、橙汁汽水、忌廉、梳打和可樂等。還有自助咖啡機、檸茶檸水和Dilmah茶包供應。
假日早午自助餐 $398
11:30-14:30
官網和openrice專享六八折優惠起
$270.60
10%服務費 $39.80
每位 $310.4
供應日期﹕由 2023 年 10 月 18 日至 12 月 10 日
I-O-N (黃竹坑)
黃竹坑黃竹坑道55號南灣如心酒店P3樓上
#自助餐 #酒店自助餐 #打卡 #如心酒店 #Staycation #南灣如心酒店 #Nina Hotel Island South #酒店好去處
(此文章由U Blog 同步發佈至社群)
👍
