2024/12/18

銅鑼灣高質抵食日本餐廳

日本料理一向都唔平，仲要响銅鑼灣地段，不過俾我發現咗呢間餐廳，晚市居然有百零蚊嘅定食之餘，仲好多期間限定嘅美食及生啤做半價，真係超抵🤑。 🥢月見 - 極丼$208 太陽般橙紅色刺身級嘅蛋黃，蛋味濃郁，味香回甘，海膽creamy，三文籽卜卜脆夠鹹鮮，手切本鮪魚腩蓉份量超多，鮮甜軟腍，四款極品刺身混合成一碗飯，極品好味😋。 🥢加配定食+$60 加六十蚊就變成一個定食，包括有主食、味噌湯、沙律及茶碗蒸。 • 主食我哋揀咗高野豆腐烏冬，烏冬超Q彈，高野豆腐像海綿寶寶般吸收哂啲湯汁非常滋味😋。 • 海帶味噌湯唔會好鹹，而家咁凍，飲完暖透入心。 • 海鮮茶碗蒸好幼滑，味道鮮甜清香👍，而且裏面仲有好多配料，有帆立貝、蜆肉、冬菇及日式魚蛋。 • 胡麻田園沙律 🥢油甘魚腩刺身 4件$98 超厚身肥美，口感又爽又滑，入口脂香滿溢，鮮甜味甘👍。 🥢銀鱈魚西京燒$118 肉厚肥美，肉質爽滑juicy，西京燒嘅做法令到脂香豐盈嘅銀鱈魚味道變得更濃郁更有層次😋。 🥢鹽燒本鮪魚下顎 $98 原價$195而家有半價🤩一定要試下，而且仲要係稀有部位，魚油豐盈，肉質嫩滑同時亦帶彈爽，骨邊嘅位置一定要噒埋，充滿骨膠原😝，睇落去以為得啲骨，其實內藏好多肉😙，跟咗個柚子醋，沾少少可減膩之餘亦多份清新香氣。 🥢鹽燒仙台熟成牛舌芯 $128 店長推介嘅仙台名物，厚切，外面燒得夠哂焦香，內裡粉嫩，口感爽彈，用少少鹽調味以經夠哂惹味。 🥢生燒白鱔 2串$128 超厚肉，每串有3件而且都非常大件頭，肉質爽彈，肉味濃郁鮮甜，脂香爆發😋，跟咗辣蘿蔔蓉及檸角，可減低油膩感又可增添清爽口感。 🍺麒麟一番搾(500ml)$34 叫咗咁多款餸酒小菜，當然要飲酒喇😆，原價$68嘅生啤而家做緊半價超抵🤑，唔叫就蝕喇🤭。呢間餐廳真係好多食品做半價，就好似呢個法國普斯生蠔🦪，居然$145就有6隻🤩，呢個價錢自己買都買唔到，仲要有人開埋👍。餐廳環境都幾闊落，有吧檯、卡位及包箱，坐得舒服而且侍應嘅服務態度都好好。 📍家賀屋渣甸街66號亨環2樓 #日式料理 #銅鑼灣美食 #日本居酒屋 #家賀屋 (此文章由U Blog 同步發佈至社群)...更多