2025/01/07

灣仔·超班私房菜💯

身為港島人嘅我極力推介位於灣仔嘅｢得寶軒偉師傅私房菜｣,係我同屋企人嘅飯堂,除咗有一般嘅家常小菜外,仲可以預訂嘅一啲名貴菜式,豐儉由人,鍾意食中菜嘅朋友必定要試吓👍🏻 蟲草花螺頭炖竹絲雞推介👍🏻火候十足湯底鮮甜,蟲草花滋補養生,有多種不同嘅功效,既可增強免疫力又可以補氣益血配上高蛋白､低脂肪嘅竹絲雞,再加入螺頭提升鮮味,冬天飲返一碗咁滋補嘅燉湯,暖身又養胃陳皮欖角鮮肉排承傳粵菜中的傳統味道👍🏻陳皮甘香嘅香氣配上咸味馥郁嘅欖角,大廚將肉排炸至外脆內嫩再加上酸酸甜甜嘅醬汁一齊爆炒,每件肉排充滿肉汁,香脆鮮嫩,確實令人回味無窮富貴險中求老闆介紹嘅新菜式👍🏻別具心思特色,富貴險中求即《花甲釀蝦膠》,大廚將新鮮手打嘅蝦膠釀入花甲之中,蝦膠鮮爽彈牙,手打嘅口感零舍不同😋粒粒蝦仁增添口感,加上鮮甜嘅花甲令鮮味更加提升,啱晒打卡又美味嘅菜式豉汁蒸鱸魚鱸魚嘅肉質細膩,入口嫩滑帶一絲絲嘅甜味,魚骨較少而且不會有腥味,魚必定要新鮮,加入鹹鹹香香嘅豆豉去清蒸,除咗保留魚本身嘅鮮味並帶有豆豉嘅鹹鮮,兩者味道互相融合,豉汁惹味加上鮮嫩嘅魚肉送飯一流😋 梅菜蒸菜心用梅菜去蒸菜心可以增加菜心嘅甜味,保留蔬菜嘅營養更加健康,而且兩者嘅味道配搭得宜,梅菜嘅鹹鮮加上菜心嘅清甜亦係一道非常下飯嘅菜式花膠杞子糖水食完晚飯仲會有糖水送🥳今晚係養顏明目嘅花膠杞子糖水,花膠已煲到溶晒令糖水有起膠嘅口感,薑汁湯底可以驅寒,潤喉順滑甜度適中,最適合秋冬食嘅糖水😋 📍得寶軒偉師傅私房菜 (灣仔) 灣仔莊士敦道36-42號聯發大廈1樓B及C號舖人均消費:$300-400 食物:⭐️⭐️⭐️⭐️⭐️ 環境:⭐️⭐️⭐️⭐️ 服務:⭐️⭐️⭐️⭐️⭐️ 回頭率:⭐️⭐️⭐️⭐️⭐️ #中菜餐廳 #UCreator #打卡美食 #美食推介 #香港美食 #港島美食 #私房菜 #灣仔美食 #momentswithucreator #相機食先 #港玩港食 #hkfoodie ...更多