【銅鑼灣】佐賀燒肉谷

另一半係不折不扣既牛魔王，對牛嘅品質非常有要求，講起燒肉，不得不提喺希慎廣場新開嘅「佐賀燒肉谷」，我哋一放工就去食，揀咗LV3，套餐包括澳洲和牛+海鮮放題，早割有優惠$448，正價$488，全程120分鐘👍 一坐低職員就已經介紹，慶祝銅鑼灣新店開幕，會有期間限定，LV3 會送DIY和牛壽喜燒一份😀 同埋職員介紹可以試玩埋Guu•燒肉可頌🥐，可以用自己創意 DIY 喜歡嘅餡料喺牛角包入邊🤟🏻我自己就放咗澳洲和牛肉眼芯、生菜、醬汁，一啖咬落去非常Juice😝 職員介紹完一輪，就已經攞咗一盤梯級牛肉過嚟，呢一盤已經包括晒我哋套餐大部份嘅牛肉，有埋牌仔話你聽你食緊啲乜嘢，如果啱嘅話可以再order第二份！ 職員好快手就上埋壽喜燒，雖然話就係DIY，但係全程翹埋雙手就可以食，職員會用佢嘅經驗同你煮到啱啱好，咁就唔怕嘥咗啲靚牛肉！ 食咗好多款牛肉，其中最有印象就係呢幾款，嚴選牛肩里肌肉、特選牛小排、澳洲和牛-上級牛胸肉、澳洲和牛肉眼芯（醬醃） ，全部油脂分布均勻，而且各有特色。 印象最深刻一定係，煙燻壺漬封門柳（醬油味）！佢會擺成卷放落小砵內，上碟已經好靚，餐廳毫不吝嗇，封門柳拉起後，足足有一把間尺咁長，職員仲非常helpful地幫手燒，佢哋經驗好足夠，燒得好過自己燒多多聲😆燒完仲會同你剪埋放上碟👍 個餐仲包咗海鮮，因為啲牛肉實在太好味，海鮮變得食得唔多，一開始除咗上牛肉之外，佢仲會俾咗一盤時令海鮮，最靚係啲鮑魚，就算燒完都冇縮水，唔使落任何嘅鹽或者調味料，已經食得出鮮味！ 飲品方面非常之多選擇👍 仲有得揀日本啤酒，飲飽食醉之後食埋個燒香蕉朱古力棉花糖，作為ending真係唔錯！ ✱ 佐賀燒肉谷 (希慎廣場) 地址: 銅鑼灣軒尼詩道500號希慎廣場14樓1403-1405號舖 〰️〰️〰️〰️〰️〰️〰️〰️〰️〰️〰️ ❤️您嘅支持=͛我嘅創作原動力❤️ ⚠️我需要您嘅 𝐋𝐢𝐤𝐞 𝐚𝐧𝐝 𝐅𝐨𝐥𝐥𝐨𝐰！⚠️ 👵🏼@mother_christine 〰️〰️〰️〰️〰️〰️〰️〰️〰️〰️〰️ 分類：#christinema_銅鑼灣 #christinema_燒肉 
 #銅鑼灣 #自助餐 #hkig #hongkong #吃喝玩樂 #香港好去處 #輕旅行 #香港美食 #燒肉 #hkfood #hkfoodie #打卡 #CWB CAFE #hkfoodblog #foodiehk #hongkongfood #香港打卡 #ublog #hkplay #christinema_銅鑼灣 #christinema_燒肉 (此文章由U Blog 同步發佈至社群)