見到呢間自助餐好抵食，最平 $293/位連加一🤩 決定去大擦餐飽🤪 尋晚去到仲加咗好多萬聖節🎃裝飾，連食物及甜品都充滿Halloween 氣氛，真係好可愛～～
餐廳空間好大，環境舒適座位寬敞，而且唔會好似一般嘅自助餐咁嘈吵，仲有好多獨立房，一家人或商務想有privacy 都可以😌
最受歡迎係海鮮冷盤，有翡翠螺、蟹腳、小龍蝦、青口、海蝦， 蟹腳多肉鮮味帶微微海水味，蝦肉螺肉爽彈！ 即煎鴨肝，滋滋聲香氣撲鼻，配烤多士，外脆內軟！
熱盤除咗中式，仲有東南亞菜，如椰香參巴烤雞、馬沙文咖哩配羊肩、巴東牛肉配印度薄餅、越式燜豬手等。
香煎蠔餅配魚露、金不換黃金蝦、及避風塘炒蟹，好有本土特色，味道香濃惹味。
想食清啲，選擇都好多，多款沙律，如印尼雜菜沙律、泰式鳳爪沙律、華多夫燒雞沙律等， 另外仲矜貴嘅水耕沙律菜，及好似蛋糕嘅～芒果木瓜牛油果蟹肉沙律🎂
我嘅重點就係甜品～🧁萬聖節杯子蛋糕、👁️血橙啫喱杯、🎃南瓜吉士批、⚰️意大利芝士蛋糕等，好有節日氣氛，必試蓮子百合栗子露，濃郁香口，仲有栗子粒粒😋
自助餐包好多飲品，不過亦可以試吓萬聖節特飲㗎！ 有血紅色嘅🩸Bloody Mary ，同無酒精萬聖節特飲👻
#自助餐 #自助餐優惠 #南灣如心酒店 #黃竹坑美食 #buffet #halloweenbuffet #halloweenhk #萬聖節 #萬聖節自助餐 #全民打卡企劃 #秋日美食
