荃灣有一間性價比高嘅西餐廳

Vision 8 今次介紹自己一直bookmark好耐嘅西餐廳，晚市超多人，老闆好好問我幾時再得閒，下次實預留大嘅空間比我方便我，今次終於食到，最近佢哋仲推出咗「蘋果木燒西班牙黑毛豬鞍扒」，價錢仲非常抵食，一份價錢$80，每兩位限叫一份，今次就無叫呢個豬鞍扒，希望下次再嚟仲有呢個優惠！呢間西餐廳門口有一級，又係我自備斜板嘅時候，入面空間比較狹窄，目測大約只能坐40人，餐廳晚市好快就爆滿，要食嘅話最好晚市第一輪六點鐘好入去啦！ 1.是日餐湯：粟米忌廉湯+餐包$55（9.5/10）呢個粟米忌廉湯好濃稠，完全無溝水，飲到好香嘅粟米味，仲飲到粟米皮添！餐包好軟綿，搽埋黑松露牛油，食落非常香，或者可以浸落粟米忌廉湯咁樣食麵包都好好味！ 2.鮮菇•蜆•茄醬燴意大利麵$168（8.5/10）呢個意大利麵比較彈牙，又好掛汁，入面有鮮菇、蜆又無沙，大約有10隻蜆，茄醬又酸酸甜甜好開胃！ 3.黑松露威靈頓牛柳$368（9/10）呢個黑松露威靈頓牛柳可以切開四大舊，牛柳食落唔韌，牛柳同酥皮之間有好多黑松露，咬落黑松露味非常香，旁邊有紅蘿蔔同椰菜仔，仲有一大舊焗薯，非常正！ 4.心太軟配雲呢拿雪糕$78（9.5/10）呢個心太軟配雲呢拿雪糕係即叫即整，大約等15分鐘左右，一切落去入面朱古力岩漿就流哂出嚟，食落有少少熱，心太軟個皮比較薄，朱古力比較偏少少苦，唔會好甜，雲呢拿雪糕比較幼滑，好好味！ 2人總共價錢$797，有加一服務費！個人口味總評分：9.125/10 @vision_8_tsuenwan 地址：荃灣兆和街34號永安樓地舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #Vision8 #荃灣 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #解決危肌 #夏日雙重賞 #請爸爸食件cake #社群請您睇音樂會 #快閃話咁易 ...更多