2025/03/30

每次返上海必食·复茂小龍蝦🦞

📍复茂·小龙虾·大闸蟹·烧烤(日月光店) 黄浦区徐家汇路548号-5(宝鼎大夏旁)(打浦桥地铁2号口) 我每次返鄉下都一定會去食嘅小龍蝦-复茂小龍蝦😋雖然上海嘅小龍蝦店開到成行成市,但係之前喺街邊食過完全唔掂,所以一定去返老字號嘅飯店食就最穩陣👍🏻复茂喺上海已經有八間分店,價錢屬於中價位,但係小龍蝦嘅品質一定有質素同埋乾淨,我今次去嘅淮海東路店,除咗小龍蝦之外,仲有大龍蝦､藍龍蝦､手抓蟹､瀨尿蝦､牛蛙､烤魚､滷味同串燒,用黎送啤酒一流🍺 清蒸小龍蝦清蒸小龍蝦就可以食到佢嘅原汁原味,配搭豉油同Wasabi勁夾,蝦肉爽口彈牙,而且小龍蝦處理得非常乾淨,完全唔會有泥味,好輕易就可以脫殼,一啖一隻,口感過癮麻辣小龍蝦鍾意食辣嘅就一定要麻辣味,辣味又香又濃非常惹味,裏面加入咗勁多配料令佢嘅香麻更加突出,食完麻辣小龍蝦記得要留返啲湯汁,再加入佢地嘅麵條撈埋一齊食,我一個人居然食晒成碗麵😂 蒜香小龍蝦唔食辣嘅朋友仔就可以嗌蒜香小龍蝦,裏面加咗勁多蒜蓉,蒜香味特別濃郁,而且令蝦肉嘅鮮味更加突出,真係食到吮晒手指😆 招牌手抓蟹點解將蟹一開二,食起上嚟更方便👍🏻真係每一隻蟹入邊都有膏架,就算過咗大閘蟹嘅季節都可以食到佢哋嘅手抓蟹,個頭雖然唔算大隻,但係啲蟹肉十分鮮嫩,入口有濃郁嘅蟹膏香味,滋味無比😋 燒生蠔生蠔肥美厚肉,一啖咬落去仲會爆汁,加入大量蒜蓉､辣椒同蔥花,上枱時仲出晒煙香噴噴😋味道鮮甜,蒜味極濃辣辣地好惹味另外仲order咗多款串燒,有五花腩､牛肉､羊肉､雞腳､雞軟骨､魷魚鬚､肥腸､金菇､土豆､娃娃菜等等,每樣都只係幾蚊一串,勁抵食👍🏻仲可以自行大中小辣,入口好香嘅孜然味再加上辣椒粉,食到停唔到口😆五花腩肥瘦雙間,油香十足,牛肉緊緻有嚼勁,羊肉串濃濃嘅羊膻味,鍾意食羊嘅一定大愛🤭一邊飲啤酒一邊食串燒真係爽YY🍺😌 人均消費:$200-300 食物:⭐️⭐️⭐️⭐️⭐️ 環境:⭐️⭐️⭐️⭐️⭐️ 服務:⭐️⭐️⭐️⭐️⭐️ 回頭率:⭐️⭐️⭐️⭐️⭐️ #打卡美食 #美食推介 #旅行美食 #上海美食 #小龍蝦 #复茂小龍蝦 #相機食先 #hkfoodie #bestfoodwithucreator ...更多