#海港城平價美食
呢排天氣熱成日落雨，假日多數都會選擇行商場，海港城夠大又啱小朋友行，不過行到攰想搵地方坐吓食啲輕食飲杯嘢都幾頭痕；最近LCX行到最尾開咗間台灣（輕食）餐廳就啱晒啦！
望一望個餐牌，除咗有好多款解喝手搖台式飲品外，仲有好多台灣小食，肚餓的話呢度都有烏冬或者滷肉飯，食飽仲可以叫埋台式甜品食！真係好啱一家大細嚟。
我哋一家今次嚟食Lunch，叫咗好多款唔同小食、主食同飲品，响海港城呢個黃金地段嚟講，呢間餐廳價錢算相當親民，CP值仲好高。
滷肉飯 $35
⭐️賣相吸引，滷肉粒粒分明，切到細細粒配埋軟硬適中白飯，我同仔女都鐘意食。唔好睇價錢以為好細碗，個size係女士或小朋友一餐份量，抵食！
醉豬手烏冬 $60
⭐️所有“醉”系列食品都係老公最愛，醉豬手烏冬一上檯就有好香嘅酒味，豬手好爽好淋，大滿足。
🍢小食：
九層塔爪餅 $25
滷雞翼 $25
滷金錢肚 $25
滷豬大腸 $25
炸花枝丸 $26
鹽酥雞 $28
⭐️廿幾蚊一款小食，唔好以為平就無質素，我叫咗咁多款樣樣都掂，炸物即叫即炸又香又脆，滷物夠淋夠入味，九層塔爪餅我第一次食，睇賣相似係生菜咁，一咬之下原來係好脆好有口感嘅爪餅。
🍹飲品：
烤布蕾奶蓋冬奶茶 $38
黑糖珍珠岩鹽鮮奶 $38
烤布蕾奶蓋鐵觀音奶茶 $38
⭐️必試！烤布蕾飲品🍹平時飲芝士奶蓋飲品飲得多，呢款烤布蕾飲品第一次試，絕對係有驚喜！
🍧甜品：
招牌黑糖$48（三色芋圓，小芋圓，仙草，寒天，黑糖珍珠，芝士奶蓋）
⭐️大大碗勁多材料，底層有幼幼嘅沙冰食落清爽降溫，炎炎夏日食好消暑。
📍海港城LCX • 倆仨杯
▫️▫️▫️▫️▫️▫️
#尖沙咀美食 #倆仨杯 #LCX美食 #親子餐廳 #尖沙咀小食推介 #尖沙咀台灣菜 #海港城美食 #台灣菜 #台灣小食 #手搖飲品 #尖沙咀甜品 #尖沙咀台式食店
#台灣菜 #台灣美食 #台灣 #打卡美食 #請爸爸食件cake #快閃話咁易 #社群請您睇音樂會 #毛孩最愛spa #夏日雙重賞
😊
