◽長沙灣📍質素幾高既日式食店🎏

係一個細小既商場內 竟然有一間質素幾高既日式食店🎏 簡約沉靜既裝潢 位置闊落 食起野上黎都覺得特別舒服 食店以手握壽司為主 花款比較多 選擇亦都有好多🤩 當然同時亦都會有好多唔同款別既小食/料理🍣 如果想每樣試啲既 記得要留返個胃仔😆 ➷ 🪐 和風蕃茄野菜沙律 先黎個前菜沙律開一開胃先😋 蕃茄爽口而且清新 用黎做開胃菜就最好不過👍🏼 加埋帶有酸酸地既柚子汁就更加香 食唔厭既味道🍅 § 🪐 櫻蝦炸豆腐 開完胃 就可以食返啲濃味少少香口少少既野🤤 櫻花蝦包圍住整舊豆腐 炸得通透 香氣撲鼻😶‍🌫️ 如果鍾意惹味既 佢係必然之選 亦唔會帶有過多油份👍🏼 § 🪐 五目腐皮壽司 🪐 油甘魚壽司 🪐 甜蝦壽司 🪐 活赤貝壽司 🪐 岩蚝壽司 🪐 炙蝶魚邊壽司 🪐 芝士鰻魚卷 黎到就一定要食佢地主打既手握壽司🤝🏼 款式太多 同店員傾傾吓都介紹咗幾款唔同既俾我地食🍣 食壽司 最緊要當然係睇材料既新鮮度🐟 其次我會去睇壽司個size比例係咪成正比 飯會唔會過份大舊 第三就係睇師傅既功架同處理 魚生會唔會切到一忽忽咁🔪 只要以上3樣都係做得好 其實壽司都會好食👍🏼 今次既整體表現可以拎到9分 握飯再實啲就可以滿分😌 § 🪐 鹽燒鯖魚 已經飽咗7成 揀食鯖魚就唔會太有負擔🐟 魚皮燒得頗脆 加上少少檸檬汁就可以提升味道 食吓食吓就唔覺意食晒成條喇😆 § 🪐 牛肉湯蕎麥麵 最後同🧸食埋呢個蕎麥麵 細細碗唔會太飽肚 有豚肉或者牛肉選擇 牛肉雖然俾我地浸耐咗 但係無影響佢既咬口同味道 依然帶帶軟腍口感👍🏼 而湯底亦會散發牛香 令平凡既蕎麥麵都可以提升到味道😋 ➷ 感覺食咗好溫暖既一餐🥰因為我地都係第一次黎 所以店員都會幫手推介 得閒仲會黎傾兩句😆 質素就對得住食客 服務亦都做到足 值得去試吓👍🏼 📌Yuyu Sushi 📍長沙灣青山道399號喜薈商場1樓2號舖 ➷ 🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟 #壽司 #刺身 #長沙灣美食 #日本菜 #Yuyu Sushi #長沙灣日本菜 (此文章由U Blog 同步發佈至社群)