2025/03/14

🤫 隱世西營盤家庭式經營運- 港式、西式混合餐廳 (上篇）

呢間位於西營盤第三街嘅家庭式餐廳🍴,我已經同朋友､家人去西營盤嘅時候都會同佢地去幫襯,呢個就係我結合左我去呢間餐廳幾次嘅食評,大家可以bookmark 住呢間餐廳🍴,經開西營盤就可以去試😋🙌🏻 之後同餐廳負責人傾偈,由於我見到餐廳大約只有7張枱,因此我問佢哋會唔會有訂位服務｡佢哋就話不論係午市､晚市都可以打電話去餐廳訂位👍🏻而喺附近返工嘅打工仔或者返學嘅學生,午膳時間比較緊迫嘅話,亦都可以去食之前打電話俾佢哋落咗單先,咁朋友仔去到餐廳就可以即刻食😋 呢間餐廳亦都設有學生餐,而呢啲學生餐每個禮拜都會有唔同,所以我以下食過嘅午餐/菜式,可能會同你哋當日去喺餐牌見到嘅唔同😯🙏🏻 所以避免有任何異議,今次我就唔列出價錢,但係可以俾朋友仔參考番:每個餐包埋熱飲,大概💰$60-80左右 ⭐️鰻魚炒飯⭐️ 如果鐘意❤️鰻魚或者日式燒汁味道👅嘅朋友仔,我非常推介呢個炒飯🍚 首先,呢個飯一到就聞到陣陣嘅日式燒汁味😛 而呢個炒飯嘅份量絕對係性價比高👍🏻 其次,雖然呢個炒飯🍚唔係中式炒飯個隻炒得好乾､粒粒分明,但係我認為呢個炒飯嘅乾濕程度適中👍🏻因為佢係落左燒汁去炒,所以比起一般食到嘅炒飯會偏濕少少🤏🏻 然後,就係主角-鰻魚🐟我認為呢個炒飯🍚有嘅鰻魚🐟粒比我預期中多😯我亦都幾鍾意❤️佢d鰻魚🐟粒切得偏大粒,咁嘅大細食落就會有食緊鰻魚🐟飯嘅感覺,而唔係切到細細粒或者碎晒,因為咁樣就會食唔出鰻魚嘅味道👅,我認為會浪費左條鰻魚🐟🫢再者,呢個炒飯🍚有好幾款配料,例如粟米🌽粒､紅椒🌶️粒同飯上面會有紫菜碎😋但係想食呢個飯🍚嘅朋友仔要留意👀,因為呢個炒飯🍚係在每個禮拜都會有調整嘅學生餐牌,所以未必每個禮拜都有🧐 🐷吉列豬扒飯🍚 通常喺出邊食吉列豬扒飯都要差唔多$100🤑但係喺呢間餐廳食嘅話,就可以$100有找同包埋一杯熱飲🥃但係想食呢個飯嘅朋友仔都要留意佢❌唔係喺午市餐牌入邊,而係喺每個禮拜都會變嘅學生餐牌🧐 雖然呢個飯嘅飯底只係白飯,但係老闆會喺白飯上面淋上燒汁,而吉列豬扒🥩係即叫即炸,所以上到枱係熱辣辣🔥,仲有呢塊豬排🥩份量絕對係性價比高👍🏻有足夠嘅份量送完一碗飯🍚呢塊豬扒上面都會淋上沙律醬,咁食落味道就唔會覺得單調👍🏻 雖然呢塊豬扒肉質同味道係一塊大家平時會食到嘅豬扒質素,但係我覺得佢嘅厚薄程度同炸皮嘅比例適中,以呢個價錢食到呢個份量同肉質🥩嘅吉列豬扒,我認為算唔錯了😌👍🏻 我認為有一個可以改進嘅地方(肉食愛好者可能唔同意🫢),就係由於佢喺學生餐入面,因此我認為蔬菜同肉類嘅比例都要均衡,但係呢個飯就完全缺乏咗蔬菜嘅元素🥬所以我會寧願塊吉列豬扒🥩細少少､加番啲蔬菜🥬咁就令到呢個餐均衡🧐 焦糖肉桂法多士配雲呢嗱雪糕🍦 呢個法多士值得一讚嘅係老闆會即叫即整,同埋亦都會問客人想唔想後上,所以我哋就揀咗後上👍🏻而老闆亦都好細心咁留意我哋幾時食完啲鹹點,跟住先開始整呢份甜品😊所以一上枱就會見到熱辣辣🔥嘅多士上面有一球凍冰冰🧊嘅雲呢拿雪糕🍦冷熱交融,而呢球雪糕🍦就慢慢地溶喺多士嘅上面｡雖然呢個法多士食落口感幾軟綿綿,同埋多士上面滲咗玉桂粉亦都有肉桂粉嘅味道,但係我認為佢欠缺咗焦糖嘅味道🧐所以以我當時食嘅價錢同埋味道黎講,我唔會特別推薦大家嚟到呢間餐廳要特別點呢個甜品🧐｡今次呢間餐廳就介紹到嚟呢度先😊遲啲會再出下篇🙏🏻如果大家經開西營盤都不妨去搵呢間小店幫襯吓😊支持香港家庭式營運嘅餐廳🍴 #社群三月快閃送 #香港餐廳 ...更多