2025/02/24

超人氣日式疏乎厘班戟店

TERA 寺🥞 今日家姐帶我食好嘢! 就係佢近期最愛嘅日式疏乎厘班戟店♥️Tera寺好多款pancake佢都食過,大顛! 呢間人氣餐廳,疏乎厘班戟係必點大熱,但原來佢嘅窩夫同主食都唔錯! 🩵煙燻照燒雞肉牛油果配窩夫 $112 雞肉肉質鮮嫩,有肉汁,帶有煙燻味｡照燒醬帶有蜜味,甜甜地好好味｡牛油果軟熟香滑,配埋沙律菜同車厘茄一齊食,好清新｡窩夫外脆內軟同厚身,我中意夾埋照燒雞肉一齊食,好似三文治咁一大啖食,好滿足! 🩵明太子蟹肉意粉 $176 明太子咸香,蟹肉碎大大啖,免曾灑上甜甜嘅紫菜!意粉有彈性,唔會太腍,掛上香濃奶滑嘅明太子醬汁,好正!超有口感!意粉份量好大碟,兩個人都好夠食! 🩵蜜桃柚子烏龍茶 $38 蜜桃味香甜,柚子清新,飲到有果肉,酸酸甜甜,飲落去好舒服｡烏龍茶味唔會太濃,唔會遮蓋咗生果嘅味道,味道好夾又解膩｡ 🩵蜜桃玫瑰梳打 $24 蜜桃味香甜,玫瑰嘅花香味濃郁,好有少女感｡加入咗梳打水,口感輕盈清新,又唔會太甜,啱啱好! 🩵榛子焙茶疏乎厘班戟 $138 食完主飯!超期待嘅疏乎厘終於動L動L登場!🤩 一睇就知道好鬆軟,有彈性啦! 班戟擺盤好精美好靚,非常吸引⭐️⭐️⭐️ 班戟鋪滿榛子忌廉,旁邊放上北海道3.6嘅焙茶牛奶布甸,灑滿榛子脆脆伴碟｡班戟有三層,上面倒滿焙茶忌廉｡班戟質地輕盈鬆軟,充滿蛋香,唔會飽膩｡焙茶忌廉茶味濃郁,唔會好甜,帶有微微茶香甘苦,口感特別｡榛子脆脆,有朱古力堅果香味,香脆可口! 焙茶布甸,茶味濃郁,奶香幼滑,入口即刻溶｡ 🩵抹茶芭菲 $98 超級巨型,由好多層材料製作｡頂層有雲呢拿雪糕,甜蜜蜜嘅紅豆蓉同埋黃豆粉蕨餅,蕨餅清甜柔軟｡中層有抹茶蛋糕,玄米粒,忌廉及士多啤梨承托住｡㡳層有紅豆蓉,軟糯嘅白玉,脆片同朱古力醬,相當豐富,簡直大滿足! 📍 佐敦廟街273-285號寶發大廈地下4號舖 #foodie #foodiehk #foodiehkgirl #tera #日式疏乎厘班戟 #hkfoodblogger #hkfoodie #香港美食 #佐敦美食 #tera寺 #抹茶芭菲 ...更多