2025/03/24

🎏中環War Rooms廚師發辦九道菜‼️絕對值$780🔥

War Rooms由廚師發辦主食二重奏有9道菜,講緊$780,要有儀式感,要享受,要食美食,整體嚟講絕對對得起呢個價錢😌 【War Room 春季菜單】 $780/位 🔸手工麵包配自家製牛油西班牙玻璃麵包以 1.2:1 既水麵比例製成,食落去好香脆,牛油亦都好特別,融合咗日本 A5 和牛脂肪､法蔥､優質牛油,同時有牛脂同蔥香,忍唔住會食多幾件 🔸蘑菇慕斯配自家製牛肉鬆將洋蔥､蘑菇炒香後打成mousse,設計成蘑菇嘅外表,面頭再撒上牛肝菌粉,先食一啖mousse,之後再配合埋底部既自家製牛肉鬆,兩個食法都好食 🔸脆牛肉配微辣車厘茄面頭既切絲春卷皮好香口,內餡用咗USDA Prime Top Blade 牛肩胛肉,偏向有牛味同質感嫩滑,裏面仲要包住韓式辣醬油浸泡既番茄,多汁嘅蕃茄配合埋牛肩更加Juicy,韓式辣醬亦都帶出輕輕既辣味 🔸黃金蠔燴牛肉批一個類似酥皮湯嘅設計,面頭係酥皮,底下係一個日本廣島蠔殼,裏面包住美式黑啤燴肋條以及日本廣島蠔,食到酥脆嘅酥皮同時,有住濃郁既美式黑啤燴肋條醬香以及蠔嘅鮮味 🔸春菜暖湯以時令春菜配埋牛肉熬製成暖湯,入口前先嗅吓蔬菜天然香氣,配菜配合埋經暖湯浸泡青紅蘿蔔､佛手瓜,飲完都覺得舒服暖胃 🔸廚師發辦二重奏第一重奏【寶雲酥配牛肉裙邊】澳洲牛裙邊肉肉味濃郁,表面鋪上日式芥辣調味既香草麵包糠(寶雲酥),好有口感,配菜有炸芋頭､窩荀再配日式生薑沙律醬 🔸第二重奏【封門柳配小牛汁青豆泥】封門柳肉質嫩滑,淋上傳統法式牛肉汁,增添醇厚風味,亦可加 $90升級A5和牛,牛脂香肉味濃,多一款牛肉俾大家選擇,配菜亦好花心思,有燒香密柑､薯波､青豆蓉､長柄西蘭花､寶塔花及蜜糖豆 🔸頂級M9+和牛煲仔飯聽講每一位客人嚟到,都會點名一定要食呢個煲仔飯,加$50有埋牛肝菌,睇住現場整已經好吸引,打開煲蓋有好香既牛肝菌同M9+和牛香氣,煲底仲要有飯焦,每一啖飯都入晒味,果然係一定要食 🔸玫瑰配番紅花雪糕玫瑰紅莓白朱古力mousse,搭配埋番紅花蜜糖雪糕,好fresh既一個組合 📍War Rooms by Top Blade 中環士丹利街11號Stanley 11 LG樓 #circle_life #circle_foodie #hongkongfoodie #香港美食 #香港美食推介 #finedining #中環 #中環美食 #warrooms #春季菜單 #和牛煲仔飯 #喵汪零細菌 #偽素顏美肌攻略 #浪漫旅人祭 #輕鬆出遊 #旅行手信推介 #精簡護膚攻略 ...更多