📣［期間限定］白之戀人公園～夏祭🎶 1/6-31/8

本人為了加入社群創作有價企劃行列,決定運用自身的日文一級能力,致力為大家上網搜羅與日本景點有關的優惠情報,再在U Lifestyle 作出分享｡務求讓大家慳得一蚊得一蚊,做旅遊精明消費達人! ———————— 講起北海道, 大家可能都會醒起白之戀人｡ 去開北海道既不妨去白之戀人公園打一打卡, 畢竟果度又靚､又有得打卡､又有得食､又有得落手落腳整, 絕對係好玩既一個地方 ｡ 想知多啲可以去佢中文官網睇睇👇🏻 https://www.shiroikoibitopark.jp/zh-hant/ 咁我介紹得既,當然係想講下佢中文官網冇提到既活動啦 ｡ 冇辦法, 日文官網始終會資訊多啲, 所以大家先要睇我既post麻🤗 佢好快會喺1/6/2024-31/8/2024舉行夏祭活動｡ 當中包括恐怖馬戲團小屋､ 自己製作風鈴既工作坊､ 製作朱古力夾心批等等 ｡ 雖然佢既夏祭活動係要俾錢, 但唔算貴, 起碼你知道呢6月至8月期間係多左野玩 ｡ 而叫得夏祭, 當然唔只咁簡單既 ｡ 大家要去的話, 可以記住以下日子 : 17/6/2024-23/6/2024: 感謝週 (白之戀人29週年慶祝活動) 19/7/2024 :文化夜2024 12､13､19､20､26､27/7 & 2､3/8: 啤酒公園 以上呢啲日子除左夏祭一般活動外, 仲會有特別活動 ｡ 但官網要稍後先公佈詳情, 為左大家可以盡早計劃行程, 所以我都先出post講左現有資訊先 ｡ 稍後佢再有進一步消息時, 我會再為大家跟進🙇‍♀️ 去開日本玩既可以睇埋我另外一啲post, 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://www.shiroikoibitopark.jp/summer/)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡ 想知更多優惠/活動資訊,就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽#日本event#event#打卡美食#打卡#打卡餐廳#打卡好去處#打卡甜品#打卡蛋糕#打卡必去#打卡able#北海道#北海道自由行#北海道旅行#北海道景點#北海道攻略#北海道観光#北海道手信#白之戀人