2025/02/27

正正大頭蝦🦐

尖沙咀區火鍋放題選擇眾多，呢間都算係數一數二物超所值😉今次我地揀左特上牛小排套餐($338/位)，任飲任食120分鐘，最抵食係除左有大頭蝦之外，仲有Movenpick同Haagen dazs雪糕可以任食，超正，可能係全港最平有得任食呢D嘢嘅火鍋放題餐廳🤩 環境乾淨企理，座位同張枱都夠闊落，坐得舒服之餘亦有足夠空間放野食😄 自助區：有大量火鍋配料、熟食小食等可以拎飲品區：罐裝樽裝飲品、汽水、啤酒、甚至生啤、自家製飲品、珍珠奶茶都應有盡有😉 甜品區：有Movenpick同Haagen dazs雪糕可以任食，非常幸福🥰 湯底我地揀左牛駅秘製麻辣鍋，麻辣得嚟又唔嗆喉，辣度適中，香味四溢，簡直係火鍋嘅靈魂湯底😎 肉類：揀得最貴嘅SET，當然主攻特上牛小排、澳洲M5和牛、SRF美國極黑和牛片同封門柳😆啲牛肉鮮嫩多汁，油花分佈均勻，特上牛小排真係入口即溶，至於封門柳牛味香濃，好滿足🤤 海鮮類：呢度有好多款海鮮可以叫，有大頭蝦、牡蠣、鮑魚、象拔蚌片、帆立貝、花膠、脆鯇魚片、鮮甜沙白、海參、爽脆墨魚同海螺片，上碟時見到夠晒豐富😍啲大頭蝦真係極為鮮甜彈牙，牡蠣夠晒肥美飽滿，呢2樣都係必食之選🤩海鮮全部都係新鮮到爆，ENCORE左好幾轉都一樣高質👍🏻 火鍋配料：除左自助區D野食外，仲有台北鴨血、竹笙釀蝦滑、鵝腸、手打蝦滑、台式餃子、手包蝦肉雲吞同台北燕餃等可以落單，每樣都好有特色，配埋麻辣湯底一齊食，真係無得頂😋 熟食：比較特別嘅係想講下火鍋放題連燒乳鴿皇都有得食，夠晒特色😍 甜品：最後當然要食返好幾杯Movenpick雪糕同Haagen dazs雪糕，咁先圓滿結束🥰 火鍋配料選擇夠多，肉質海鮮夠高質，加埋高級雪糕任食，以呢個價錢認真超值👍🏻 - 牛站(駅)麻辣火鍋放題 📍尖沙咀加連威老道2-6號愛賓商業大廈1樓102號舖 #放題 #火鍋 (此文章由U Blog 同步發佈至社群)...更多