［將軍澳］雞煲+火鍋150分鐘任食放題🍲

[將軍澳]雞煲+火鍋150分鐘任食放題🍲 今日本身想食火鍋,咁岩係網上見到呢間火鍋加雞煲任飲任食放題仲要有150分鐘,所以特登去試下…OpenRice網上仲可以訂枱加以優惠價預購套餐~價錢係文末可以見到💰 飲品櫃有多種非酒精類飲品選擇,無酒不歡既朋友另外有醇滑嘉士百可以任飲🍺 ————————————————————————————— 前菜係隨機送5款可以追加~ 🩷松露蝦多士:多士夠薄身唔會好膩,我個人本來麻麻地黑松露既味道,但今次沙律醬中和左松露果陣味,我反而覺得都幾好味👍🏻 🥬涼拌雲耳:有生蒜加埋一齊幾惹味 🪿麻辣鴨血:我反而覺得冇乜麻辣味係重藥材味 同埋唔算辣,鴨血口感都可以 🐟椒鹽三文魚頭腩:食落幾香但炸粉有啲厚,同埋食落都幾多細骨 各位食既時候要小心🫢 🐮漬牛膀:不過不失~ ————————————————————————————— 🍣三文魚刺身 始終呢度唔係食日本野所以我本身對三文魚刺身都冇特別抱大期望,口感都係正常~ 🐓招牌雞煲(BB辣) 第一次黎所以揀左BB辣,但我有啲後悔因為對於我黎講係完全唔辣 下次可以再挑戰小辣…雞煲可以任添,不過我冇追加因為驚食唔落火鍋🫣 雞肉唔係特別滑但都可以,🧅洋蔥十分惹味,特別既係佢加左豬皮索晒啲汁,我個人都幾中意而且夠諗 醬汁唔似出面食開雞煲果種麻辣味,但我都幾中意因為佢唔油食落都唔漏👍🏻 ————————————————————————————— 🍲火鍋(湯底:澳門豬骨鍋) 佢有8個湯底可以揀,想食清啲所以揀左豬骨湯,一開始鍋入面已經有3舊大豬骨🐷､紅蘿蔔🥕､粟米🌽同埋芹菜,而且入面有大量胡椒如果中意胡椒味既朋友應該會好中意~另外可以加錢轉老壇酸菜魚或椰子文昌雞鍋半隻~ 🦐海鮮(隨機附送6款) 今次海鮮隨機比左4隻蝦､兩舊吊桶､3隻翡翠螺､4隻海蜆､2隻鮑魚､2件生蠔同埋2件龍躉 整體黎講都幾新鮮,鮑魚唔韌,蝦都爽口… 🍮甜品 每人會送一粒雪米糍,今次係雲呢拿味😋 📣Openrice訂座優惠 星期一至四 : $268/位(兩位起,未連加一) 星期五及假期前夕:$286/位(兩位起,未連加一) 星期六日及假期前夕:$295/位(兩位起,未連加一) 評分🖍️(滿分為5個🌕) 抵食指數:🌕🌕🌕🌗🌑 服務質素:🌕🌕🌕🌑🌑 環境:🌕🌕🌕🌗🌑 味道:🌕🌕🌕🌗🌑 初見(將軍澳) 📍 將軍澳唐俊街18號The Parkside Mall地下G09 #UCreatorHK#BESTFOODwithUCreator#香港美食#九龍美食#新界美食#香港隱世美食#美食推介#美食推薦#美食分享#hkfoodie#hkfoodblogger#hongkongfoodie#hongkongfood#夏日雙重賞