2024/06/10

不休止的水燈節

11月9日，水燈節的慶祝活動仍未完結。之前一晚玩咗貴嘢，兩千蚊放盞燈，呢日玩免費節目，平衡番。這天的焦點落在塔佩門的花車巡遊上，活動在晚上七點開始，我們下午就出動，先喺東門打下卡，嗰度佈置咗好多裝飾，張燈結綵，最重要係遊客多咗好多，跟兩星期前的人流不可同日而語。城牆外慣例都有人為遊客趕鴿賺錢，這天不愁生意了。個個都想影張吳宇森feel嘅靚相，當地人收錢後就會等遊客擺好甫士同set好鏡頭，ready好就衝上前拍打並大叫一聲，地上成群鴿子霎時飛起晒。嗰位男士幫個女伴影靚相，我就喺旁邊影佢哋影相，哈哈！有美女在護城河畔寫生，靚人靚景。這班小朋友一早來到綵排，為晚上的巡遊做準備。我們在城門逛了一會就向城裡走，因裡面都會有一些節慶活動，而晚上的巡遊是在城門往外前進的。行下行下，飲杯咖啡，天色已經黑了。路過一座寺院，有放水燈祈福儀式。捐獻30至50銖就可取得一盞水燈，放在小池中，小小燭光，祝願平安。三王紀念碑廣場亦滿佈燭光。廣場對面的大樓外牆有投影表演。返到塔佩門，夜晚是另一番景色，花車巡遊路線擠滿了人，賓虛咁嘅場面，大家熱切期待節目開始。花車出來了，遊人爭相舉機拍攝，車上美女向人群揮手，大家都陶醉在熱鬧氣氛中。撞見一對很有趣的年老外國夫婦，後排攻擊的人大都不夠高捕捉最美畫面，那位伯伯出動自拍棍，當他舉高支棍時，婆婆就用藍牙搖控係咁㩒，真係最佳拍檔。還記得他們嗎？就是下午已穿好制服來到的一班小朋友。呢班人真醒目，一早霸定Cafe露台「超等位」，居高臨下坐住凳、嘆住咖啡睇表演。日本代表大玩Cosplay。泰北女仔確係幾養眼。玩下藝術先，唔識欣賞就算⋯⋯ 花車巡遊圓滿落幕，一連數天的水燈節慶典亦告完結，期望明年的Loi Krathong同樣璀璨。最美的水燈節，就在清邁。港婦漂流： https://www.chiangmaidrifter.net https://www.facebook.com/kennis.chiangmai https://www.youtube.com/@kennis.chiangmai Ig: @kennis.chiangmai #水燈節 #Loi Krathong #塔佩門 #清邁景點 #天燈節 #清邁古城 #泰國水燈節 #泰國旅遊 #清邁旅遊 #祈福 #清邁水燈節 #清邁天燈節 #佛教節日 #清邁花車巡遊 #清邁節慶 #泰國節慶 (此文章由U Blog 同步發佈至社群)...更多