《期間限定》上一秒商場👉🏻下一秒到亞馬遜睇動物‼️

本人為了加入社群創作有價企劃行列,決定運用自身的日文一級能力,致力為大家上網搜羅與日本景點有關的優惠情報,再在U Lifestyle 作出分享｡務求讓大家慳得一蚊得一蚊,做旅遊精明消費達人! ———————— 去大阪,我諗大家都去慣咩天王寺動物園､海遊館果d, 有時想shopping完攝下時間唔想淨係行街食野, 咁唔通又搭車去動物園咁heavy咩? 今次喺心斎橋PARCO就啱晒你, 因為你真係可以上一秒仲博殺緊或者high tea緊, 你下一秒就可以搭𨋢上14樓進入呢個熱帶雨林特別展 ❤️ 地點:心斎橋PARCO 14F PARCO GALLERY 大阪府大阪市中央区心斎橋筋1丁目8-3 日期:19/7-1/9 時間:10:00-20:00 (最終日18:00完場;每天最後入場時間為完場前30分鐘) 會場入面有30種類的亞馬遜動物等你黎探佢💕 佢展示區分左4個區域, 令你可以近距離觀察平時好少見既熱帶雨林物種 ｡ 雖然個展覽可以見到亞馬遜既物種, 但你唔好期望有大型動物｡ 如美洲豹果啲, 係冇既, 今次展覽哺乳類､鳥類區係冇派代表參加, 取而代之佢地會有珍貴影像 ｡ 反而其他區域都有誠意既, 例如｢紅南尾蜥｣､ 離開水也可以存活的｢肺魚｣､ 大型食人魚等等都有出席｡ 每個物種底下也會有4格漫畫對佢既相關資訊作出介紹 ｡ 如果各位有睇過｢悠哉悠哉動物圖鑑｣系列既書(見圖5), 就會明點解呢個展覽咁得意用4格漫畫介紹動物資訊 ｡ 呢個系列既中文版其實喺香港都有得賣, 佢係會用4格漫畫既形式將知識灌輸俾你 ｡ 幾輕鬆有趣架! 如果有睇過呢個系列的話, 咁你應該真係要去下個展覽｡ 除左有得親眼睇下書本入面既生物外, 你仲可以買佢既精品架! 想買預售門券既話可以去以下網站買: ﾁｹｯﾄぴあ(994-798)､ｾﾌﾞﾝﾁｹｯﾄ(105-778)､ﾛｰｿﾝﾁｹｯﾄ(53654)､CNﾌﾟﾚｲｶﾞｲﾄﾞ､ｲｰﾌﾟﾗｽ､楽天ﾁｹｯﾄ､ｱｿﾋﾞｭｰ! 例如你去Lawson Ticket(ﾛｰｿﾝﾁｹｯﾄ), Search ｢53654 ｣或｢ゆるゆる図鑑 ｱﾏｿﾞﾝ展｣就可以買到 ｡ https://l-tike.com/search/?keyword=53654 其他好似樂天Ticket都係search ｢ゆるゆる図鑑 ｱﾏｿﾞﾝ展｣就得: https://ticket.rakuten.co.jp/?s=&q=ゆるゆる図鑑+ｱﾏｿﾞﾝ展 去開日本玩既可以睇埋我另外一啲post, 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://art.parco.jp/eventhall/detail/?id=1470)｡ ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知｡ 想知更多優惠/活動資訊,就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#日本展覽#日本event#event#大阪#大阪自由行#打卡#打卡餐廳#打卡好去處#打卡必去#打卡able#UCreator#激玩水上樂園#夏日雙重賞#心齋橋#大阪攻略#大阪好去處#大阪旅遊#亞馬遜#動物園