東京近郊必去💙鎌倉江之島一日遊！附交通攻略

東京旅遊必去鎌倉江之島，離東京一小時！跟住我嘅行程玩足一日啦，可以食到特式小食、飽覽大海景、打卡動漫名場景、欣賞日落景色🌄仲可以睇到富士山🗻！ 通常有2個玩法，第一由藤澤站岀發至鎌倉站，第二由鎌倉站岀發至藤澤站。我會帶大家由鎌倉站岀發！ 等大家先填飽肚，再打卡人氣景點，最後欣賞美麗日落。 第1站：鎌倉駅💙 先到鎌倉小町通填飽肚，小町通有唔少特色小食架食飽再岀發一日行程啦！ 推介3間比大家： -Giraffa食邪惡芝士咖哩包 -鎌倉茶々本店 食5倍濃度抹茶雪糕 -Manjuya 食鎌倉大佛造型蛋糕仔 第2站：七里ヶ浜駅💚 之後我哋轉乘江之電去七里ヶ浜駅。係呢個站落，可以飽覽一大片海景，海天一色，好靚啊🌊！然後慢步去下一站鎌倉高校前駅。當日天氣好好，幸福之神眷顧下，竟然睇到離鎌倉好遠嘅富士山🗻，仲要好清晰🥹！ 第3站：鎌倉高校前駅💙 朝聖灌籃高手片頭曲經典場景，我哋呢啲動漫迷，當然唔少得要打卡翻幾張相啦😆！ 第4站：江之島駅💚 玩到呢度已經近日落時分，可以係度欣賞到湘南港美麗景色✨天氣好嚟鎌倉真係滿分啊！ 好，到最後等我同大家推薦2款鎌倉1日遊交通pass先。☝🏻第一款係：江之電一日乘車券，適合任何人（詳情&價錢看圖9）；✌🏻第二款係：江之電鎌倉周遊券，特別適合從新宿岀發嘅人（詳情&價錢看圖10）。 大家一定要收like同save底個post啦，咁實用嘅資訊，下次去東京就可以跟住我行程嚟玩啦🌈記得follow我睇更多日本旅游🫶🏻！ 可以睇埋我其他日本近郊分享 👉🏻 #日本近郊好去處 圖片來源: Instagram @ girraffa.asakusa.ten @ manjuya_kamakura 鎌倉市観光協会官網，小田急電鉄官網，藤沢市観光公式ホームページ官網 #日本好去處#日本之旅#旅行打卡#旅遊行程#東京攻略#東京自由行#東京景點#東京近郊#鎌倉#攻略